ავთანდილ დვალიშვილი

დაბადების ადგილი: ქ. კასპი.

დაამთავრა ოდესის სამშენებლო-საინჟინრო ინსტიტუტი 1953 წელს.

1953-1955წწ. წელს მუშაობა დაიწყო სამშენებლო ტრესტ "საქჰიდროენერგომშენში" მშენებელ ინჟინრად; 1956-1958წწ. მუშაობდა საქართველოს სახალხო მეურნეობის საბჭოს კაპიტალური მშენებლობის განყოფილების უფროს ინჟინრად; 1958-1960წწ. საქართველოს სახელმწიფო საგეგმო კომიტეტის ქვეგანყოფილების უფროს ინჟინრად საიჯარო სამუშაოებისა და მშენინდუსტრიის განყოფილებაში; 1960-1963წწ. წლიდან მუშაობდა საქართველოს მშენებლობის სამინისტროს სისტემაში - იყო სამხრეთ ოსეთისა და ბორჯომის სამშენებლო სამმართველოების მთავარი ინჟინერი; 1964-1966წწ. სამშენებლო ტრესტ "საქსოფლმშენის" მთავარი ინჟინერი, საქართველოს სასოფლო მშენებლობის სამინისტროს საწარმოო განყოფილების უფროსი, კოლეგიის წევრი; 1966-1973წწ. წლიდან იყო საქართველოს მშენებლობის სამინისტროს სამრეწველო საწარმოთა განყოფილების უფროსი, არამადნეულ მასალათა კომბინატის დირექტორი, სამშენებლო გაერთიანება "მთავართბილმშენის" N1 სამშენებლო სამმართველოს უფროსი, სახლმშენებელი კომბინატის დირექტორი, ტრესტ "საქმშენინდუსტრიის" მთავარი ინჟინერი; 1974-1985წწ. ხელმძღვანელობდა საბჭოთა კავშირის მინისტრთა საბჭოსთან არსებული "სოფლტექნიკის" სახელმწიფო კომიტეტის საპროექტო ინსტიტუტ "კავკასსოფლმრეწვსახმშენპროექტს"; უშუალოდ ხელმძღვანელობდა ცხინვალის "ელექტროვიბრომანქანისა" და ემალსადენების ქარხნების, ბაკურიანის გამაჯანსაღებელი აგრეთვე, მეცხოველეობის, მეფრინველეობისა და სხვა მსხვილი სასოფლო-სამეურნეო დანიშნულების კომპლექსების მშენებლობას; მისი ხელმძღვანელობით აშენდა თბილისის ცენტრალური ტელეგრაფის ახალი შენობა, მეცნიერებათა აკადემიის ბიბლიოთეკა და გეოფიზიკის სამეცნიერო-კვლევითი ლაბორატორიის თერმობაროკამერა, მსახიობთა სახლი, ათეულობით საცხოვრებელი სახლი და სხვა ობიექტები; დაჯილდოებული იყო სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.196

• საპატიო ნიშნის ორდენი