კონსტანტინე დიდებულიძე

დაბადების ადგილი: ქ. ოჩამჩირე.

დაამთავრა თბილისის რკინიგზის ტრანსპორტის ინჟინერთა ინსტიტუტი 1933 წელს, მოსკოვის საინჟინრო აკადემია 1938 წელს.

მუშაობა დაიწყო გვირაბგამყვანობიდან და დაწინაურდა პარტიული და საბჭოთა ორგანოების პასუხისმგებელ ხელმძღვანელ მუშაკად; მთელი თავისი პროფესიული საქმიანობის ძირითადი წლები მუშაობდა საქართველოს მშენებლობის სამინისტროს სისტემაში: იყო სამშენებლო სამმართველოს მთავარი ინჟინერი, უფროსი, საქართველოს მშენებლობის სამინისტროს N3 სამშენებლო ტრესტ "თბილმრეწვმშენის" მმართველი; 1963-1977წწ. მუშაობდა საქართველოს მინისტრთა საბჭოს რეფერენტად, მშენებლობის განყოფილების გამგედ; იყო საქართველოს კპ ცენტრალური კომიტეტის პასუხისმგებელი მუშაკი; 1977 წლიდან მუშაობდა გაერთიანება "საქჰიდროენერგომშენის" სისტემაში; არაერთგზის არჩეული იყო თბილისისა და ხაშურის საქალაქო და რაიონული საბჭოების დეპუტატად; დაჯილდოებული იყო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.199

• საქართველოს კპ თბილისის პარტიის საქალაქო კომიტეტი, წევრი

• საქართველოს უმაღლესი საბჭოს პრეზიდიუმის საპატიო სიგელი
• საპატიო ნიშნის ორდენი
• საქართველოს დამსახურებული ინჟინერი