მიხეილ დივანიძე

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტის ხიდებისა და გვირაბების ფაკულტეტი ინჟინერ-მშენებლის კვალიფიკაციით 1960 წელს.

1960-1962წწ. იყო ქ. პოდოლსკის რკინაბეტონის კონსტრუქციების ქარხნის ცვლის უფროსი, ტექნიკური კონტროლის განყოფილების უფროსი, N1 სამშენებლო ტრესტ "მოსკოვოლქმშენში"; 1962-1964წწ. მუშაობდა ტრესტ "თბილგვირაბმშენში" მეტროსადგურ "ნაძალადევის" მშენებლობაზე ცვლის უფროსად, უფროს ნორმადარად, უბნის უფროსად; 1964-2004წწ. იყო საქართველოს ტექნიკური უნივერსიტეტის "ხიდების და გვირაბების" კათედრის ლაბორანტი, უფროსი ლაბორანტი, ასისტენტი, უფროსი მასწავლებელი, დოცენტი; 1981-1985წწ და 1992-2004წწ. მივლინებული იყო ქ. კონარკში (გვინეა) ტექნიკური უნივერსიტეტის "ხიდების" კათედრის გამგის თანამდებობაზე; პარალელურად იყო რამდენიმე ხიდის მშენებლობის პროექტის მთავარი კონსტრუქტორი და მშენებელი; ხელმძღვანელობდა 60-ზე მეტ ხელოვნური ნაგებობის საველე გამოცდას და ტექნიკური ანგარიშების შედგენას; გამოქვეყნებული აქვს სამეცნიერო ნაშრომები ხიდების დინამიკის თემატიკაზე საქართველოში და საზღვარგარეთ (რუსეთი, გერმანია, ჩეხოსლოვაკია, გვინეის რესპუბლიკა); 2013 წლამდე შპს "ხიდის" მთავარი კონსტრუქტორი და სამეცნიერო-საწარმოო სამსახურის უფროსი იყო; ავტოგზების დეპარტამენტის ზედამხედველობის დირექციის მთავარი ტექნიკური კონსულტანტია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.199-200

• კიდული ხიდის გაანგარიშება : დამხმ. სახელმძღვ. (თანაავტორი). - თბილისი, ტექნიკური უნ-ტის გამ-ბა, 1992. - 108გვ.