არკადი დიულგაროვი

დაბადების ადგილი: სოფელი თიანეთი, თიანეთის რაიონი.

დაამთავრა ხარკოვის საინჟინრო სამშენებლო ინსტიტუტი 1966 წელს.

1966 წელს მუშაობა დაიწყო ქ. ჟდანოვში, სამშენებლო ტრესტ "ჟდანოვმეტალმშენში" ოსტატად; 1967 წლიდან მუშაობდა სამშენებლო ტრესტ "საქჰიდროენერგომშენის" სისტემაში, ენგურჰესის კომპლექსის საგზაო მშენებლობისა და "ვარდნილჰესების" სამშენებლო სამმართველოებში ინჟინრის, უფროსი სამუშაოთა მწარმოებლის, განყოფილების უფროსის, მთავარი ინჟინრის მოადგილისა და მთავარი ინჟინრის თანამდებობაზე; 1974-1993წწ. მუშაობდა სამშენებლო ტრესტ "საქჰიდროენერგომშენის" საინჟინრო ნაგებობათა სამშენებლო სამმართველოში, ჯერ მთავარ ინჟინრად, შედეგ სამმართველოს უფროსად; მისი ხელმძღვანელობით განხორციელდა სხვადასხვა ჰიდროტექნიკური კომპლექსის საგზაო და მნიშვნელოვანი საინჟინრო ნაგებობების (ესტაკადები, ხიდები) მშენებლობა, ასევე, გმირთა მოედნის რეკონსტრუქცია ქ. თბილისში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.200

• საქართველოს უმაღლესი საბჭოს პრეზიდიუმის საპატიო სიგელი
• შრომის წითელი დროშის ორდენი