ავთანდილ დიღმელაშვილი

დაბადების ადგილი: ქ. ლვოვი, უკრაინა.

დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი 1974 წელს.

1974-1980წწ. მუშაობდა თბილისის ზონალურ სამეცნიერო კვლევითი, ტიპური და ექსპერიმენტული პროექტირების ინსტიტუტში ("თბილზნიიეპი") უფროს არქიტექტორად; 1980-1986წწ. საქართველოს არქიტექტორთა კავშირის გამგეობის პასუხისმგებელი მდივანი იყო; 1986-2008წწ. მუშაობდა საპროექტო ინსტიტუტ "საქსაცწყალპროექტში" არქიტექტურულ-სამშენებლო განყოფილების უფროსად; 1974-2008წწ. მისი თანაავტორობით განხორციელდა არაერთი არქიტექტურული პროექტი და გამოქვეყნებულ იქნა რამდენიმე მეცნიერული ნაშრომი; 1997-2004წწ. მიწვეული იყო თბილისის სახელმწიფო სამხატვრო აკადემიაში ლექტორად; 2005-2016წწ. საქართველოს ტექნიკურ უნივერსიტეტში არქიტექტურის, ურბანისტიკისა და დიზაინის ფაკულტეტის პროფესორი იყო. 2012 წელს სადისერტაციო ნაშრომისათვის "ურბანული გარემოს სივრცითი მოწყობის საკითხები ძველი თბილისის ეზოების მაგალითზე", მიენიჭა არქიტექტურის დოქტორის წოდება.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.200-201

• საქართველოს არქიტექტორთა კავშირი, წევრი