გივი დოლიძე

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, არქიტექტურის სპეციალობით 1949 წელს.

1949 წელს მუშაობა დაიწყო სსრკ ვაჭრობის სამინისტროს სარეკლამო გაერთიანება "ვაჭრობრეკლამის" თბილისის კომბინატის ინჟინერ-არქიტექტორად; შემდეგ მუშაობდა საქართველოს განათლების სამინისტროს ქ. თბილისის განათლების განყოფილების უფროს ინჟინრად; 1950 წელს გაიწვიეს საბჭოთა არმიის რიგებში, სავალდებულო სამხედრო სამსახურში, სადაც მუშაობდა თავდაცვის სამინისტროს სარკინიგზო ჯარების N29420 სამხედრო ნაწილში ოფიცრად 1953 წლის ბოლომდე; 1954 წელს მუშაობა დაიწყო საქართველოს მელიორაციისა და წყალთა მეურნეობის სამინისტროს საპროექტო ინსტიტუტ "საქსახწყალპროექტის" სამოქალაქო გეგმარების ჯგუფში ინჟინერ-არქიტექტორად; მუშაობდა უფროს ინჟინრად, მთავარ სპეციალისტად, სამოქალაქო და სამრეწველო პროექტირების სექტორის უფროსად, იმავე სახელწოდების განყოფილების უფროსად; 1973 წელს გადაიყვანეს საქართველოს მინისტრთა საბჭოს საქმეთა მმართველობის უფროს რეფერენტად; 1979 წელს დაინიშნა საქართველოს საბინაო-კომუნალური მეურნეობის მინისტრის მოადგილედ; მისი მონაწილეობითა და ხელმძღვანელობით დაპროექტდა საქართველოს მელიორაციისა და წყალთა მეურნეობის მრავალი სამოქალაქო და სამრეწველო დანიშნულების ობიექტი; იყო ავტორი საქართველოს სოფლის მეურნეობის სამინისტროს პანსიონატ-პროფილაქტორიუმის შენობის პროექტისა (ქ. გაგრის ზონაში); დიდი ღვაწლი აქვს შეტანილი საქართველოს კომუნალური მეურნეობის საწარმოო-ინდუსტრიული ბაზისა და ინფრასტრუქტურის განყოფილებაში; მიღებული ჰქონდა სხვადასხვა სახელმწიფო ჯილდო.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.202

• საქართველოს არქიტექტორთა კავშირი, წევრი