ნოდარ დოლიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი საავტომობილო გზების და აეროპორტების მშენებლობის სპეციალობით 1970 წელს.

1966-1987წწ. მუშაობდა საავტომობილო გზების სახელმწიფო საძიებო-საპროექტო ინსტიტუტ "სოიუზდორპროექტის" თბილისის ფილიალში ტექნიკოსად, ინჟინერ გეოდეზისტად, საძიებო პარტიის უფროსად, პროექტის მთავარ ინჟინრად; 1979-1980წწ. ტექნიკური დახმარების მიზნით მივლინებული იყო სირიის რესპუბლიკაში რკინიოგზების მშენებლობაზე ჯგუფის უფროსად; 1988-1993წწ. მუშაობდა საპროექტო-სამშენებლო კოოპერატივ "საქგზამშენის" მთავარ ინჟინრად; 1996 წლიდან - შპს "თბილისის" დირექტორად; 2006-2008წწ. - შპს "ტრანსპროექტის" მთავარ ინჟინრად; 2008-2009წწ. იყო შპს "ასტანადორპროექტის" მთავარი ინჟინერი; 2009-2010წწ. შპს "მეგზევე-7"-ის დამფუძნებელი და მთავარი ინჟინერი; 2010 წლიდან დღემდე არის შპს "თბილისის" რექტორი; მონაწილეობდა შემდეგი პროექტების შემუშავებაში: ქ. რუსთავის მიმდებარე ტერიტორიაზე ჩქაროსნული ავტოდრომის რეკონსტრუქცია (პროექტის მთავარი ინჟინერი), კოპიტნარის აეროდრომის ასაფრენ-დასაფრენი ზოლის, სამიმოსვლო ბილიკების, თვითმფრინავების გასაჩერებელი მოედნისა და ხელოვნური ნაგებობების რეკონსტრუქცია-რეაბილიტაცია (პროექტის მთავარი ინჟინერი).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.203-204