ჯონი დოლიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი ხიდებისა და გვირაბების მშენებლობის სპეციალობით 1960 წელს.

1960 წლიდან მუშაობა დაიწყო საქართველოს სახელმწიფო საპროექტო ინსტიტუტ "სოიუზდორპროექტის" თბილისის ფილიალში ინჟინრად; 1965-1978წწ. მუშაობდა საქართველოს მეცნიერებათა აკადემიის კ. ზავრიევის სახელობის სამშენებლო მექანიკისა და სეისმომედეგობის ინსტიტუტში ინჟინრად, უფროს ინჟინრად და წამყვანი ინჟინრის თანამდებობაზე; 1978 წლიდან გადავიდა საქართველოს საავტომობილო გზების სამინისტროს გზათა სამეცნიერო-კვლევით და საწარმოო-ტექნოლოგიურრ ინსტიტუტში ("საქგზამეცნიერება") ხელოვნური ნაგებობების განყოფილების უფროსად; 1986 წელს დაინიშნა ზემოთ აღნიშნული სამეცნიერო-კვლევითი ინსტიტუტის გენერალური დირექტორის მოადგილედ. ერევნის პოლიტექნიკური ინსტიტუტის სამეცნიერო საბჭოზე დაიცვა დისერტაცია და მიენიჭა ტექნიკურ მეცნიერებათა კანდიდატის ხარისხი 1978 წელს.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.204