გედეონ II

გედეონ II გენათელი (ჩხეიძე) იყო გელათის ეპისკოპოსი მიტროპოლიტის წოდებით 1717-1733 წწ. რაჭის ერისთავის პაპუნა II-ძე. მონაწილეობდა შინაფეოდალურ ომებში - გამოდიოდა იმერეთის მეფის ალექსანდრე V-ის წინააღმდეგ და მხარს უჭერდა თავის ძმას შოშიტა III რაჭის ერისთავს. დაახლოებით 1733 წელს ალექსანდრე V-მ თავის მხარეზე გადაიბირა და ბარში საერისთავო მამული უბოძა. გედეონ II-მ თავი დაანება მღვდელმთავრობას და ამის შემდეგ ბარის ერისთავად იწოდებოდა.

წყარო: საქართველო: ენციკლოპედია: ტ.I.–თბ., 1997. გვ.576