ოთარ დოღონაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1966 წელს.

1966-1977წწ. მუშაობდა სამშენებლო ტრესტ "საქჰიდროენერგომშენში" ხრამის, ლაჯანურისა და ენგურის ჰიდროელექტროსადგურების მშენებლობაზე უბნის უფროსად; 1977-1994წწ. იყო საქართველოს სასოფლო მშენებლობის სამინისტროს N1 სამშენებლო ტრესტის მთავარი ინჟინერი; 1995 წლიდან იყო სს "თბილისის" მთავარი ინჟინერი; უშუალოდ მონაწილეობდა "ხრამჰესის", "ლაჯანურჰესისა" და "ენგურჰესის" მშენებლობაში; ხელმძღვანელობდა არაერთი სამრეწველო, სოციალური და სასოფლო დანიშნულების ობიექტის, მათ შორის: დიღმის სასოფლო-სამეურნეო ინსტიტუტის საინჟინრო-ლაბორატორიული კორპუსის, "ყაზბეგი-კასტელის" ლუდის ქარხნის მშენებლობას (თბილისში); მიღებული აქვს სახელმწიფო ჯილდო.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.206