ვახტანგ დუმბაძე

დაბადების ადგილი: ქ. თბილისი.

დაამთავრა თბილისის სამშენებლო ტექნიკუმი 1945 წელს, მოსკოვის საინჟინრო-სამშენებლო ინსტიტუტი 1965 წელს.

1948 წლიდან მუშაობდა სხვადასხვა სამოქალაქო-სამრეწველო ობიექტის მშენებლობაზე მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად; 1972 წლიდან საქართველოს მშენებლობის სამინისტროს სამშენებლო გაერთიანება "მთავართბილმშენის" N15 სამშენებლო ტრესტის N2 სამშენებლო სამმართველოს ხელმძღვანელობდა; 1980 წლიდან N15 სამშენებლო ტრესტის მმართველი იყო; 1982 წლიდან მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენის" N2 სახლთმშენებელი კომბინატის უფროსად; 1985-1995წწ. იყო საქართველოს საყოფაცხოვრებო მომსახურების სამინისტროს სამშენებლო სამმართველოს უფროსი; ხელმძღვანელობდა საქართველოს მეცნიერებათა აკადემიის ბიბლიოთეკის, გეოფიზიკის სამეცნიერო ლაბორატორიის თერმობაროკამერის, მეცნიერებათა აკადემიის ტიპოგრაფიის შენობის, თეატრალური საზოგადოების მსახიობთა სახლის მშენებლობას; მონაწილეობდა სახელმწიფო უნივერსიტეტის მაღლივი კორპუსის, სასტუმრო "ივერიის", სახელმწიფო ფილარმონიის, ქორწინების სახლის მშენებლობაში. მიღებული აქვს სპეციალური დიპლომები და ფულადი ჯილდოები, საქართველოს მშენებლობის საქმეთა სახელმწიფო კომიტეტის ("სახმშენის") დიპლომები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.207

• 1972 - მედალი "შრომითი მამაცობისთვის"
  მაღალხარისხიანი მშენებლობისთვის