გენო მიქელაძე

დაბადების ადგილი: სოფელი ურეხი, ხელვაჩაურის რაიონი.

დაამთავრა ბათუმის საზღვაოსნო სასწავლებელი 1992 წელს; საზღვაოსნო სასწავლებლის დამთავრებისთანავე იგი უმაღლესი საზღვაო-საინჟინრო სასწავლებლის (შემდგომში საზღვაო აკადემია) ინჟინერ-გემთწამყვანობის ფაკულტეტზე ჩაირიცხა, რომელიც შორეული ნაოსნობის შტურმანის სპეციალობით 2000 წელს დაასრულა.

თავდაპირველი მეზღვაურული წრთობა და ნათლობა 1989 წელს, სასწავლო პრაქტიკაზე ყოფნისას, ლეგენდარულ იალქნიან ხომალდზე, ბარკ "Товарищ"-ზე მიიღო; წლების მანძილზე თანმიმდევრულად გაიარა საზღვაო იერარქიის ყველა ეტაპი მატროსობიდან შორეული ნაოსნობის კაპიტნობამდე. ზღვაში საქმიანობა საქართველოს საზღვაო სანაოსნოს გემებზე "Акаки Церетели", "Сухуми", "Акташ", "Danila",-სა და "Parnar"-ზე დაიწყო. მოგვიანებით ამ გემებზე გახდა კაპიტნის მესამე და მეორე თანაშემწე; 1999 წელს ერთობლივი კომპანიის კუთვნილი ტანკერების "Parnar"-ისა და "Black Sea Star"-ის კაპიტნის უფროსი თანაშემწის მოვალეობებს ასრულებდა; 2000 წლიდან სანაოსნო კომპანია "EastWind"-ის გემების: "Julia 1", "Sun", "Leone B", "Hasting", "Ew Henfield"-ის ეკიპაჟებს მეთაურობდა; მომდევნო წლებში მისი, როგორც შორეული ნაოსნობის კაპიტნის საქმიანობა ბრიტანულ სანაოსნო კომპანია "V.Ships UK"-ს უკავშირდება, იგი ამ კომპანიის გემებს მეთაურობს. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com

• საქართველოს საზღვაო კაპიტანთა ასოციაცია, წევრი