დავით ჩადუნელი

დაბადების ადგილი: სოფელ გეთსამანია,ზემო იმერეთი.

სასულიერო სემინარიის მოწაფე, 1902 წლიდან მღეროდა კოტე ფოცხვერაშვილის მიერ ქუთაისში დაარსებულ ოთხხმიან გუნდში. ქუთაისში მოსწავლეთა რევოლუციური გამოსვლების გამო სასულიერო სემინარია დახურეს და დარჩა სკოლის გარეშე, ვინაიდან ისიც მონაწილეობდა ამ ამბებში. შემდეგ ქუთაისის სახალხო უნივერსიტეტში დაიწყო მოღვაწეობა. კვირაობით მუშებსა და ნოქრებს საუბრებს უტარებდა პოლიტიკური ეკონომიიდან, ასწავლიდა ქართულ ხალხურ რევოლუციურ სიიმღერებს; ჩამოაყალიბა მომღერალთა გუნდი და კონცერტებს მართავდა კინო-დარბაზში, ქალაქის თეატრში. 1936 წელს მონაწილეობდა ლენინგრადში გამართულ საკავშირო ოლიმპიადაში, სადაც მისი ანსამბლი პირველი ხარისხის დიპლომოთ დააჯილდოვეს. 1941 წელს მოსკოვში მიიწვიეს კონცერტების ჩასატარებლად. 1947-1953წწ. რადიოკომიტეტის ანსამბლის სოლისტი იყო. დააგროვა მდიდარი მასალა ქართული მუსიკალური ლექსიკონისათვის. ღრმა მოხუცებულობამდე მღეროდა. ხალხური სიმღერების ანსამბლის სოლოსტი, ლოტბარი.

წყარო: ხალხური სიმღერის მოამაგენი.-თბ., 2007.-გვ.206; chaduneli.ge