ზურაბ ერისთავი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ჰიდროტექნიკის ფაკულტეტი 1959 წელს.

1960-1980წწ. მუშაობდა საქართველოს პოლიტექნიკისა და მელიორაციის ს/კ ინსტიტუტში სხვადასხვა წამყვან თანამდებობაზე; 1981-1986წწ. საქართველოს მინისტრთა საბჭოს სასოფლო და წყალსამეურნეო მშენებლობის განყოფილებაში უფროსის მოადგილედ და უფროსად; 1987-1989წწ. რესპუბლიკური საპროექტო-ტექნოლოგიური ტრესტ "იორწყალმშენის" მმართველად; 1989-1990წწ. საინჟინრო-ეკონომიკურ ცენტრ "ინჟეკონომცენტრის" დირექტორად; 1990-1991წწ. იყო "საქმთავარწყალმშენის" მმართველის მოადგილე; 1992-2007წწ. სამშენებლო სამმართველო "სამგორწყალმშენის" უფროსი; მონაწილეობდა წყალთა მეურნეობისა და მელიორაციისა და მელიორაციის მრავალი მნიშვნელოვანი და რთული ობიექტის მშენებლობაში; ჰიდროტექნიკის, ჰიდრავლიკის, მელიორაციის, წყალთა მეურნეობის ხაზით ჩატარებული არაერთი საერთაშორისო სამეცნიერო-საწარმოო სიმპოზიუმის მონაწილე; საქართველოში და საზღვარგარეთ გამოქვეყნებული 30-მდე სამეცნიერო ნაშრომის ავტორი; მიღებული აქვს სახელმწიფო ჯილდოები. ტექნიკის მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.214

• საქართველოს ფაზისის მეცნიერებათა აკადემია, ნამვილი წევრი

• საქართველოს დამსახურებული ინჟინერი