არჩილ მდივანი

დაბადების ადგილი: ქ. თბილისი.

ერთ-ერთი უძლიერესი ჩოგბურთელი ქართული ჩოგბურთის ისტორიაში. 1934-936 წლებში საბჭოთა კავშირის ჩემპიონი წყვილთა თანრიგში ედუარდ ნეგრებეცკისთან ერთად. 1931-1936 წლებში შედიოდა სსრ კავშირის უძლიერესთა ათეულში. სსრ კავშირის ჩემპიონი "დინამოს" გუნდის შემადგენლობაში. ლენინგრადის ტურნირის ოთხგზის ჩემპიონი(1932–1936).  ბავშვობიდან არჩილ მდივანს ავარჯიშებდა იან ჰომერი. 1937 წლის აპრილში მოსკოვში დააპატიმრეს, 13 სექტემბერს კი ტერორიზმის ბრალდებით გაასამართლეს და იმავე დღეს დახვრიტეს. რეაბილიტირებულია 1957 წელს. 2001 წელს 30 ივნისს სახლზე, სადაც ცხოვრობდა არჩილ მდივანი გაიხსნა მემორეალური დაფა წარწერით: "აქ ცხოვრობდა ლეგენდარული ქართველი ჩოგბურთელი არჩილ მდივანი". პირველი ქართველი სპორტის ოსტატი ჩოგბურთში (1936). ბუდუ მდივანის შვილი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ. 640