ალიოშა ჯაფარიძე

დაბადების ადგილი: სოფელი ხრეითი, ჭიათურის რაიონი.

დაამთავრა საქართველოს პოლიტექნიკური ინსტიტუტის ელექტრო-მექანიკური ფაკულტეტი 1930 წელს.

მთელი თავისი შეგნებული ცხოვრება ალპინიზმს დაუკავშირა. მისი ხელმძღვანელობით მოეწყო საეტაპო მნიშვნელობის პირველი საბჭოთა ასვლები თეთნულდზე (1930), უშბაზე (1934), პამირის უსახელო მწვერვალზე (1936), კავკასიონის ქედის ტრავერსზე (1940), პირველ ზამთრის უშბაზე (1943) და სხვ. მან პირველმა შეისწავლა ხვამლის, ტვიშის, ორხვისა და ორპირის გამოქვაბულები, კაცხის სვეტი. იყო საქართველოს ალპური კლუბის თავმჯდომარე (1936-1949, 1943-1945) და სხვ. მისი სახელი მიენიჭა საქართველოს ალპურ კლუბს (1945), მწვერვალებს - კავკასიონსა და პამირზე. ალპინისტი, მთამსვლელობის ორგანიზატორი და საქართველოს ალპური კლუბის ერთ-ერთი დამაარსებელი (1936).

წყარო: ქართული საბჭოთა ენციკლოპედია: ტ. 11.-თბ., 1987.-გვ.543; ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.328

• 1941 - სსრკ სპორტის დამსახურებული ოსტატი
• 1934 - სსრკ სპორტის ოსტატი

• პამირის მთებში : 1936 წლის ექსპედიციის შესახებ (ავტორი). - თბილისი, საბლიტგამი, 1940. - 80გვ.
• უშბა : ექსპედიციები მწვერვალის დასაპყრობად (ავტორი). - თბილისი, საბლიტგამი, 1939. - 63გვ.