კონსტანტინე გაბუნია

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის სოციალურ-ეკონომიკური ფაკულტეტი 1928 წელს.

მუშაობდა საქართველოს ცენტრალურ სტატისტიკურ სამმართველოში (ცსს) სტატისტიკოსად (1928), "საქვაჭრობაში" ეკონომისტად, საქართველოს თევზის მრეწველობის სისტემაში სხვადასხვა თანამდებობაზე (1929-1936), კვების მრეწველობის სამინისტროში საგეგმო-ეკონომიკური განყოფილების უფროსად (1936-1957), იყო ამ სამინისტროს კოლეგიის წევრი (1949-1953). 1945 წლიდან შეთავსებით, ხოლო 1957 წლიდან ძირითადად მუშაობდა თბილისის სახელმწიფო უნივერსიტეტში სახალხო მეურნეობის დაგეგმვის კათედრაზე, 1965 წლიდან იყო მრეწველობის და სოფლის მეურნეობის კათედრის დოცენტი, 1966 წლიდან - საქართველოს საგეგმო კომიტეტთან არსებულ სახალხო მეურნეობის ეკონომიკური და დაგეგმვის სამეცნიერო-კვლევითი ინსტიტუტის (სმედესი) უფროსი-მეცნიერ მუშაკი. კონსტანტინე გაბუნიას გამოქვეყნებული აქვს მონოგრაფიები, სამეცნიერო სტატიები, დამხმარე სახელმძღვანელოები და სხვ. მისი სამეცნიერო კვლევის სფერო იყო მრეწველობის ეკონომიკა, საქართველოს ჩაის მრეწველობის ეკონომიკა. მიღებული აქვს სახელმწიფო ჯილდოები. ეკონომიკის მეცნიერებათა დოქტორი (1968), პროფესორი (1966).

წყარო: საქართველო: ენციკლოპედია: ტ.I.–თბ., 1997.–გვ.524

• თბილისის სახელმწიფო უნივერსიტეტის ეკონომიკის ფაკულტეტის სამეცნიერო საბჭო, წევრი
• რესპუბლიკის პროფკავშირების ეკონომიკური კომისია, თავმჯდომარე
• საქართველოს საგეგმო კომიტეტთან არსებული სახალხო მეურნეობის ეკონომიკისა და დაგეგმვის სამეცნიერო-კვლევითი სამეცნიერო საბჭო , წევრი
• საქართველოს ცენტრალური სტატისტიკური სამმართველოს სამეცნიერო-მეთოდური საბჭო, წევრი

• 1968 - საქართველოს დამსახურებული ეკონომისტი

• ამოცანათა კრებული წარმოების დაგეგმვისათვის სამრეწველო საწარმოებში (ავტორი). - თბილისი, ცოდნა, 1963. - 166გვ.