შერმადინ ასკურავა

დაამთავრა ბათუმის საქალაქო სასწავლებელი 1912 წელს.

1913-1914წწ. მონაწილეობდა ჯერ ბათუმის, შემდეგ თბილისის ბოლშევიკური ორგანიზაციების მუშაობაში; 1915-1916წწ. იყო რსდმპ თბილისის ბოლშევიკური კომიტეტის წევრი; 1916 წლის 18 აგვისტოს დააპატიმრეს; ოქტომბრის რევოლუციის შემდეგ იბრძოდა საქართველოში საბჭოთა ხელისუფლების გამარჯვებისათვის; 1918 წლის გაზაფხულზე ა. გეგეჭკორთან ერთად ხელმძღვანელობდა სენაკის მაზრის გლეხთა შეიარაღებულ აჯანყებას; მონაწილეობა მიიღო აფხაზეთში საბჭოთა ხელისუფლების დამყარებისათვის ბრძოლაში; 1918 წლის მაისში დანიშნეს სოხუმის მუშათა და გლეხთა დეპუტატების საბჭოს წარმომადგენლად ჩრდილოეთ კავკასიის საბჭოთა რესპუბლიკაში; აფხაზეთში საბჭოთა ხელისუფლების დროებით დამარცხების შემდეგ ჩრდილოეთ კავკასიაში დარჩა და სამოქალაქო ომის ფრონტებზე იბრძოდა; 1918 წლის ზაფხულში დანიშნეს მე-11 არმიის პოლიტიკურ კომისრად. მისი აქტიური მონაწილეობით მხილებულ და ლიკვიდირებულ იქნა მე-11 არმიის სარდლის ი. სოროკინის ავანტიურისტული შეთქმულება საბჭოთა ხელისუფლების წინააღმდეგ. ასკურავა დაიღუპა ყიზლარის მიდამოებში. კომუნისტური ორგანიზაციების მოღვაწე კავკასიაში, სამოქალაქო ომის აქტიური მონაწილე.

წყარო: ქართული საბჭოთა ენციკლოპედია, ტ. 1. -თბ., 1975. -გვ. 636 

• 1928 - წითელი დროშის ორდენი (სიკვდილის შემდეგ)
  სამოქალაქო ომში დიდი დამსახურებისათვის