თენგიზ ვაჩნაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1949 წელს.

1950 წლიდან მუშაობდა საქართველოს მეცნიერებათა აკადემიის სამშენებლო საქმის სამეცნიერო-კვლევით ინსტიტუტში უმცროს მეცნიერ-თანამშრომლად, ინჟინერ-ტექნოლოგათ, უფროს ინჟინრად; 1960 წლიდან რესპუბლიკის სამშენებლო მასალების ს/კ ინსტიტუტში წამყვან ინჟინრად; 1968 წელს დაინიშნა თბილისის საქალაქო საბჭოს აღმასკომის სამშენებლო-სამონტაჟო ტრესტ "ინჟმშენის" N2 სამშენებლო მასალების კომბინატის დირექტორად; 1969 წლიდან მუშაობდა თბილისის აღმასკომის კოოპერატიული და სააგარაკო მშენებლობის სამმართველოს უფროსად; 1972 წლიდან ქ. თბილისის მთავარი არქიტექტორის მოადგილედ, სამშენებლო-არქიტექტურული კონტროლის სამმართველოს უფროსად; 1975 წლიდან საქართველოს სსრ მინისტრთა საბჭოს მშენებლობისა და საქალაქო მეურნეობის განყოფილების უფროს რეფერენტად; 1976 წლიდან საქართველოს პროფსაბჭოს კურორტების მართვის სამმართველოს უფროსის მოადგილედ; 1978 წლიდან სამშენებლო ტრესტ "საქკურორტმშენის" მთავარ ინჟინრად; 1980-1986წწ. იყო საქართველოს სსრ განათლების მინისტრის მოადგილე მშენებლობისა და დაფინანსების დარგში; 1986-1989წწ. თბილისის სარაიონთაშორისო კაპიტალური მშენებლობის სამმართველოს მთავარი ინჟინერი; მონაწილეობდა სპორტის სასახლის ანაკრები რკინაბეტონის გადახურვის კონსტრუქციების გამოცდაში (მშენებლობის პროცესში), დახურული საცურაო აუზის მშენებლობაში (საბურთალოს რაიონში); დიდი წვლილი აქვს შეტანილი საკურორტო და საგანმანათლებლო დანიშნულების ობიექტების მშენებლობაში, რესპუბლიკის სასკოლო შენობების ინვენტარიზაცია-კომპიუტერიზაციაში, რის შედეგადაც სასკოლო მშენებლობის დეტალური პროგრამა დამუშავდა; იყო სხვადასხვა სახელმწიფო ჯილდოების მფლობელი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.225