ზურაბ ველიჯანაშვილი

დაბადების ადგილი: დაბა ასპინძა.

დაამთავრაა საქართველოს პოლიტექნიკური ინსტიტუტი ხიდებისა და გვირაბების მშენებლობის სპეციალობით 1962 წელს.

1962-1963წწ. მუშაობდა აზერბაიჯანის საგზაო მშენებლობის მთავარ სამმართველოში ინჟინრად; 1963-1973წწ. სსრ კავშირის სატრანსპორტო მშენებლობის სამინისტროს სისტემაში სხვადასხვა საინჟინრო თანამდებობაზე; 1963-1968წწ. თბილისის N454 "ხიდმშენმატარებელში" ოსტატად, სამუშაოთა მწარმოებლად, უბნის უფროსად; 1968-1970წწ. ქ. სარატოვის N269 გასამხედროებულ სამშენებლო-სამონტაჟო მატარებელში მთავარ ინჟინრად; 1971-1973წწ. თბილისის N39 "ხიდმშენრაზმში" საწარმოო-ტექნიკური განყოფილების უფროსად; 1973-1977წწ. იყო თბილისის საქალაქო კომიტეტისა და საქართველოს კპ ცენტრალური კომიტეტის მშენებლობისა და საქალაქო მეურნეობის განყოფილების ინსტრუქტორი, კომპარტიის თბილისის საქარხნო რაიკომის მეორე მდივანი; 1977-1986წწ. არჩეული იყო ქ. თბილისის საქალაქო საბჭოს აღმასკომის თავმჯდომარის მოადგილედ; 1986-1987წწ. იყო საქართველოს საბინაო-კომუნალური მეურნეობის მინისტრის პირველი მოადგილე; 1988-1998წწ. საწარმოო გაერთიანება "ორიონის" გენერალური დირექტორის მოადგილე კაპიტალური მშენებლობის დარგში; 1998-2005წწ. იყო სს "ორიონის" სამეთვალყურეო საბჭოს თავმჯდომერე; მონაწილეობდა რიგი მნიშვნელოვანი ობიექტების მშენებლობაში, მათ შორის: ნ. ბარათაშვილისა და ვახუშტის ხიდები მდინარე მტკვარზე, ესტაკადა მეტეხის გვირაბის გამოსასვლელში, 9 გზაგამტარი თბილისში, ხიდები მდინარე იორზე საგარეჯოსთან და თბილისი-ერევნის გზაზე, სევანის ტბასთან, ქ. სარატოვის სარკინიგზო კვანძი (მთლიანი სარეკონსტრუქციო სამუშაოები), საწარმოო გაერთიანება "ორიონის" საწარმოო კორპუსები და სხვა; წლების განმავლობაში კურატორობდა და ხელმძღვანელობდა ქ. თბილისის საბინაო-კომუნალური და რესპუბლიკური მასშტაბით გამწმენდი ნაგებობების მშენებლობას, საბინაო-კომუნალურ მეურნეობას; არაერთგზის იყო არჩეული ქ. თბილისის საქალაქო საბჭოს დეპუტატად; დაჯილდოებული იყო სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.227