გრიგოლ თაბაგარი

დაბადების ადგილი: ქ. ზესტაფონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-ჰიდრომშენებლის კვალიფიკაციით 1965 წელს.

1965 წელს მუშაობა დაიწყო სამშენებლო ტრესტ "საქჰიდროენერგომშენის" სისტემაში; მუშაობდა ინჟინრად "ენგურჰესის" ძალოვანი კვანძის სამშენებლო სამმართველოში; იმავე წელს გაწვეულ იქნა სავალდებულო სამხედრო სამსახურში; 1967-1981წწ. მუშაობდა "ენგურჰესის" ძალოვანი კვანძის სამშენებლო სამმართველოში სხვადასხვა უბნებზე ოსტატისა და უბნის უფროსის თანამდებობაზე; 1981-1987წწ. "ჟინვალჰესის" სამშენებლო სამმართველოს მთავარი ინჟინრის მოადგილე იყო; 1987-1999წწ. სამშენებლო ტრესტ "კავკასგვირაბმშენში" ჯერ საგვირაბო რაზმის და შემდეგ სამონტაჟო სამმართველოს უფროსი იყო.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.239

• საპატიო ნიშნის ორდენი
• შრომის წითელი დროშის ორდენი