ოთარ ჯინორია

დაბადების ადგილი: ქ. რიგა, ლატვიის რესპუბლიკა.

დაამთავრა თბილისის სახელმწიფო უნივერსიტეტის გერმანული ენისა და ლიტერატურის განყოფილება 1933 წელს.

1939 წლიდან გარდაცვალებამდე კითხულობდა დასავლეთ ევროპის ლიტერატურის ისტორიის კურსს თბილისის სახელმწიფო უნივერსიტეტში, 1962 წლიდან იყო დოცენტი გერმანული ფილოლოგიის კათედრაზე. ეკუთვნის მრავალი სამეცნიერო, კრიტიკული და თეორიული შრომა, რომელთაგან მნიშვნელოვანია: "გოეთეს შემოქმედებითი გზა" (1966, ქართულ ენაზე; 1984, 1984, რუსულ ენაზე), "გერმანული ფილოსოფიური ლირიკა" (თარგმანი და კომენტარები, 1981), "სოციალისტური რეალიზმის სპეციფიკისათვის" (1956), "ილია ჭავჭავაძის რეალიზმის საკითხისათვის" (1957), "ხელოვნების სპეციფიკის შესახებ" (1957) და სხვა. მისი რამდენიმე ნაშრომი გამოქვეყნებულია გერმანულ ენაზე.

წყარო: ქართული საბჭოთა ენციკლოპედია: ტ. 11.-თბ., 1987.-გვ.566

• გოეთეს საზოგადოების საქართველოს განყოფილება, პირველი პრეზიდენტი (1970-)
• ი. ვ. გოეთეს საერთაშორისო საზოგადოების პრეზიდიუმი (ქ. ვაიმარი, გერმანია), წევრი (1969-)
• ფაუსტის საზოგადოება (ქ. კნიტლინგენი, გერმანია), წევრი (1970-)

• გოეთეს შემოქმედებითი გზა (ავტორი). - თბილისი, საბჭ. საქართველო, 1966. - 485გვ.