პარმენ ჯიქია

დაბადების ადგილი: სოფელი ონოღია, მარტვილის რაიონი.

დაამთავრა თბილისის სახელმწიფო უნივერსიტეტის პოლიტექნიკური ფაკულტეტი 1928 წელს.

1929 წლიდან კითხულობდა ლექციების კურსს საქართველოს პოლიტექნიკურ ინსტიტუტში, ამიერკავკასიის საინჟინრო საშენებლო მელიორაციულ ინსტიტუტში, ამიერკავკასიის ენერგეტიკულ ინსტიტუტში, საქართველოს საინჟინრო სამშენებლო ინსტიტუტში, თბილსიის რკინიგზის ტრანსპორტის ინჟინერთა ინსტიტუტში; 1956-1959წწ. მუშაობდა თბილისის რკინიგზის ტრანსპორტის ინჟინერთა ინსტიტუტის ჰიდრავლიკის კათედრაზე; საქართველოს პოლიტექნიკურ ინსტიტუტთან გაერთიანების შემდეგ, სიცოცხლის ბოლომდე იყო ჰიდრავლიკისა და ჰიდროტექნიკურ ნაგებობათა კათედრის პროფესორი. მრავალი სამეცნიერო ნაშრომისა და სახელმძღვანელოს ავტორი, მათ შორის, აღსანიშნავია ქართულ ენაზე პირველი სახელმძღვანელო ჰიდრავლიკაში. მიღებული აქვს სახელმწიფო ჯილდოები. ქართველი ჰიდროტექნიკოსი, ტექნიკურ მეცნიერებათა დოქტორი (1933), პროფესორი (1933). 

სადოქტორო დისერტაციის თემა - "ბუნებრივი მთის ნაკადებში წყლის ხარჯის განსაზღვრის ჰიდრავლიკური მეთოდი", დაიცვა 1933 წელს.

წყარო: ქართული საბჭოთა ენციკლოპედია: ტ. 11.-თბ., 1987.-გვ.567; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.176

• ივანე ჯავახიშვილის სახელობის მედალი

• მეთოდური მითითებები ჰიდრავლიკის საფუძვლების შესასწავლად : სამოქალაქო და სამრეწველო მშენებლობის სტუდენტებისათვის (ავტორი). - თბილისი, საქ. პოლიტექნ. ინ-ტი, 1969. - 52გვ.
• ჰიდრავლიკურ გაანგარიშებათა მაგალითები : [სახელმძღვანელო] (ავტორი). - თბილისი, ცოდნა, 1963. - 244გვ.
• ჰიდრავლიკა: ღია კალაპოტში სითხის არათანაბარი მოძრაობის თეორიული საფუძვლები (ავტორი) // [ნაწ.] 2, სპეციალური ნაწილი. - თბილისი, ტექნიკა და შრომა, 1948. - 342გვ.
• ჰიდრავლიკა: ღია კალაპოტში სითხის არათანაბარი მოძრაობის თეორიული საფუძვლები (ავტორი) // [ნაწ.] 1, ზოგადი ნაწილი. - თბილისი, ტექნიკა და შრომა, 1947. - 530გვ.
• ჰიდრავლიკა: ზოგადი ნაწილი : სახელმძღვანელო უმაღლესი სასწავლებლებისათვის (ავტორი). - ტფილისი, სახელგამის სასწ. პედაგოგ. სექტორის გა-მა, 1933. - 484გვ.