ლევან თოფურია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის ინჟინრის სპეციალობით 1951 წელს.

1951-1958წწ. მუშაობდა საპროექტო ინსტიტუტ "საქსახწყალპროექტში" ინჟინერ-დამპროექტებლად, ჯგუფის ხელმძღვანელად და განყოფილების გამგედ; 1958 წელს გადაიყვანეს საქართველოს მშენებლობის სამინისტროს N8 სამშენებლო ტრესტის სამმართველოს მთავარ ინჟინრად, შემდეგ იყო იმავე სამმართველოს უფროსი; 1962 წელს დაინიშნა ამავე სამინისტროს N2 სამშენებლო ტრესტის მმართველის მოადგილედ, მთავარ ინჟინრად, ხოლო 1974 წელს დააწინაურეს საქართველოს მშენებლობის მინისტრის მოადგილედ; 1978 წელს დაინიშნა საქართველოს მინისტრთა საბჭოს მომარაგების სახელმწიფო კომიტეტის "საქმთავარმომარაგების" თავმჯდომარის პირველ მოადგილედ, 1980 წელს თავმჯდომარედ.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.250

• 1976 - საქართველოს დამსახურებული ინჟინერი
• მედალი "შრომითი მამაცობისთვის"
• საპატიო ნიშნის ორდენი