ზურაბ თუშიშვილი

დაბადების ადგილი: სოფელი დუნთა, საჩხერის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი ხიდებისა და გვირაბების მშენებლობის სპეციალობით 1948 წელს.

1948-1962წწ. მუშაობდა უკრაინაში, ციმბირში, ჩრდილოეთ კავკასიაში - რკინიგზების, ხიდების და გვირაბების მშენებლობაზე სამუშაოთა მწარმოებლად, უბნისა და სამმართველოს უფროსად; 1962-1998წწ. მუშაობდა საქართველოს სასოფლო მშენებლობის სამინისტრის N1 სამშენებლო ტრესტში საწარმოო კომბინატის დირექტორად; ამავე სამინისტროს N6 სამშენებლო ტრესტში სამმართველოს უფროსად; 1998 წლიდან სს "ქვემო ქართლის" ფილიალის დირექტორია; დიდი წვლილი აქვს შეტანილი ქვემო ქართლის რეგიონის სასოფლო-სამეურნეო, გადამამუშავებელი და სოციალური დანიშნულების ობიექტების მშენებლობაში; მიღებული აქვს სამინისტროსა და ადგილობრივი მმართველობის ორგანოების არაერთი საპატიო სიგელი და ჯილდო.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.253-254