ომარ თუშიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1957 წელს.

მუშაობდა საქართველოს მელიორაციისა და წყალთა მეურნეობის სამინისტროს სისტემაში; მონაწილეობდა ქ. ფოთში მდ. რიონზე წყალგამყოფი კვანძის ექსპლუატაციის რაციონალური სისტემის შემუშავებაში; მუშაობდა კახეთის რეგიონში მშენებლობის დირექციის დირექტორად; მისი პროფესიული საქმიანობის პერიოდში აშენდა თელავის რკინაბეტონის ნაკეთობათა და სარემონტო-მექანიკური ქარხნები, თელავის სამეურნეო ფეკალური კანალიზაციის კოლექტორი, კისისხევის ინერტული მასალების ქარხანა და სხვა ობიექტები; იყო თელავის რკინაბეტონის ნაკეთობათა ქარხნის დირექტორი; 1972-1976წწ. მუშაობდა კომბინატ "წყალსაშენმასალების" მთავარ ინჟინრად; 1976-1980წწ. იყო სამშენებლო გაერთიანება "მთავარწყალმშენის" კაპიტალური მშენებლობის სამმართველოს უფროსი; 1980-1983წწ. მივლინებული იყო ერაყის რესპუბლიკაში "კირკუკ-ადჰეიმის" სარწყავი სისტემის მშენებლობაზე, მოგვიანებით - ხელმძღვანელობდა "ინჟეკონომცენტრს"; იყო სამშენებლო ტრესტ "საქწყალმშენის" კაპიტალური მშენებლობისა და მრეწველობის განყოფილების უფროსის მოადგილე; ხელმძღვანელობდა მელიორაციული მშენებლობისთვის ანაკრები რკინაბეტონის კონსტრუქციებს, მათ შორის, წინასწარდაძაბული რკინაბეტონის პარაბოლური კვეთის ღარების წარმოებაში დანერგვას; არის 20-მდე რაციონალიზატორული წინადადების ავტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.254

• საქართველოს დამსახურებული ინჟინერი