თეიმურაზ თხილავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-კონსტრუქტორის კვალიფიკაციით 1948 წელს.

მუშაობდა საპროექტო ინსტიტუტებში - "საქგიპროშახტი", "საქქალაქმშენსახპროექტი", "თბილზნიიეპი", "საქკურორტპროექტი" და შპს ფირმა "მუზაში" - მთავარ კონსტრუქტორად; საპროექტო ფირმა "მუზის" მთავარი ინჟინერია; დაპროექტებული აქვს სხვადასხვა სამრეწველო და სამოქალაქო დანიშნულების ობიექტი საქართველოსა და საბჭოთა კავშირის ტერიტორიაზე; არის სამშენებლო კონსტრუქციების განხრით მშენებლობაში ფართოდ დანერგილი 7 გამოგონების ავტორი; აქტიურად მონაწილეობდა მოცულობითი ბლოკების მშენებლობაში დანერგვის საქმეში, მინიჭებული აქვს საბჭოთა კავშირის მინისტრთა საბჭოს პრემია საქართველოს საავტომობილო გზების სამინისტროს ადმინისტრაციული შენობის დაპროექტებისთვის.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.255