ვაჟა ილურიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამშენებლო ნაკეთობების ტექნოლოგიის სპეციალობით 1979 წელს.

1979-1992წწ. მუშაობდა თბილისის საქალაქო საბჭოს აღმასკომის სამშენებლო-სამონტაჟო ტრესტ "ინჟმშენის" N2 სამშენებლო-სამონტაჟო სამმართველოში ოსტატად, უბნის უფროსად; 1992-1993წწ. საქართველოს მინისტრთა კაბინეტის კაპიტალური მშენებლობის მთავარ სამმართველოში წამყვან სპეციალისტად; 1993-1999წწ. საქართველოს სახელმწიფო უზრუნველყოფის სამსახურის კაპიტალური მშენებლობის სამმართველოში წამყვან და შემდგომ მთავარ სპეციალისტად; 1999-2003წწ. წმინდა სამების საკათედრო ტაზრის მშენებლობის ფონდის დირექციის წამყვან სპეციალისტად - ტექნიკურ ზედამხედველად; 2003-2009წწ. იყო ამავე ფონდის მთავარი ინჟინერი; 2009-2010წწ. მუშაობდა საქართველოს კულტურული მემკვიდრეობის ეროვნულ სააგენტოში მიმდინარე პროექტების კოორდინაციის სამსახურის მთავარ სპეციალისტად; 2010-2012წწ. მთავარი მენეჯერის მოადგილედ; 2013 წლიდან საქართველოს ისტორიულ ძეგლთა დაცვის და გადარჩენის ფონდის პროგრამების კოორდინატორია; აქტიურად მონაწილეობდა ბაგრატისა და სვეტიცხოვლის ტაძრების, ჯვრის მონასტრის და შიო-მღვიმის სამონასტრო კომპლექსის, უფლისციხის მუზეუმ-ნაკრძალის, ფუძნარის ეკლესიის სარეაბილიტაციო სამუშაოებში, წმ. სამების საკათედრო ტაძრის სამშენებლო-სამონტაჟო და მოსაპირკეთებელ სამუშაოებში, საქართველოს პარლამენტის, სასტუმრო "თბილისის", წყალტუბოს სამთავრობო "თბილისის", წყალტუბოს სამთავრობო რეზიდენციის სარეკონსტრუქციო და აღდგენით სამუშაოებში და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.260-261