როინ იმედაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს.

1962-1964წწ. მუშაობდა საპროექტო ორგანიზაციაში; 1964 წლიდან მუშაობდა საქართველოს პოლიტექნიკური ინსტიტუტის სამშენებლო ფაკულტეტის კონსტრუქციების კათედრაზე ლაბორატორიის გამგედ; 1978-1987წწ. სამშენებლო ფაკულტეტის დეკანის მოადგილე; 1987-2004წწ. სამშენებლო ფაკულტეტის დეკანი; 2004-2006წწ. გაერთიანებული კათედრების დეპარტამენტის უფროსი იყო; 2006 წლიდან სამშენებლო ფაკულტეტის "ნაგებობათა კვლევის, დიაგნოსტიკისა და ტექნიკური ექსპერტიზის" დეპარტამენტის პროფესორია; 2005 წლიდან არის სამეცნიერო ტექნიკური ჟურნალ "მშენებელის" რედაქტორის მოადგილე; ეროვნული აკადემიის ნამდვილი წევრი; საქართველოს ტექნიკური უნივერსიტეტის რექტორისა და აკადემიური საბჭოს გადაწყვეტილებით დაჯილდოებულია სიგელით "წარმატებული პედაგოგიური და მეცნიერული მუშაობისათვის" (2009); საპატრიარქოს საპატიო სიგელი. 2010 წლიდან არის საქართველოს ტექნიკური უნივერსიტეტის სენატის წევრი, გამოქვეყნებული აქვს 75 სამეცნიერო ნაშრომი, 3 მონოგრაფია და 10 სახელმძღვანელო. დაიცვა დისერტაცია ტექნიკურ მეცნიერებათა კანდიდატის ხარისხის მოსაპოვებლად 1974 წელს. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.261; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.93

• საქართველოს საინჟინრო აკადემია, წევრი

• 2003 - საქართველოს დამსახურებული ინჟინერი
• 1998 - ღირსების ორდენი
  ქართული ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი თვალსაჩინო პირადი წვლილისათვის

• შენობა-ნაგებობების გამოკვლევა და დაზიანებათა აღდგენა : სახელმძღვანელო (თანაავტორი). - თბილისი, ტექნიკური უნ-ტი, 2012. - 282გვ.
• შენობა-ნაგებობების დაზიანების გამომწვევი მიზეზები და ავარიულობის ნიშან-თვისებები (თანაავტორი). - თბილისი, ტექნიკური უნ-ტის გამ-ბა, 2010. - 99გვ.
• ანტიკური ციხე-სიმაგრე შორაპანში (თანაავტორი). - თბილისი, სტამბა "ანი-XXI", 2004. - 52გვ.
• მშენებლობის საფუძვლები (ავტორი). - თბილისი, ტექნიკური უნ-ტის გამ-ბა, 2004. - 148გვ.
• ლითონის კონსტრუქციები : სპეციალური კურსი (ავტორი). - თბილისი, ტექნიკური უნ-ტის გამ-ბა, 1997. - 170გვ.