ამირან იობაშვილი

დაბადების ადგილი: დაბა მანგლისი, თეთრიწყაროს რაიონი.

დაამთავრა ქ. კუიბიშევის საინჟინრო-სამშენებლო ინსტიტუტის სამრეწველო და სამოქალაქო მშენებლობის ფაკულტეტი 1971 წელს.

1971-1972წწ. შრომითი საქმიანობა დაიწყო საქართველოს მშენებლობის სამინისტროს სამშენებლო ტრესტ "ბიჭვინთმშენში" საწარმოო-ტექნიკურ განყოფილებაში ინჟინრად; 1972-1978წწ. მუშაობდა ამავე ტრესტის N1 სამშენებლო სამმართველოში სამუშაოთა მწარმოებლად, მთავარ ინჟინრად; 1978-1993წწ. იყო ტრესტ "კურორტმშენის" მმართველის მოადგილე, ხოლო მისი რეორგანიზაციის შემდეგ მუშაობდა გაგრის ექსპერიმენტული სახლმშენებელი კომბინატის მთავარ ინჟინრად, დირექტორის მოადგილედ; 1993 წლიდან ქ. სოჭის სამშენებლო კომპანიის N19 სპეცსამონტაჟო სამმართველოს მთავარი ინჟინერია; მონაწილეობდა გაგრის, გუდაუთა-ახალი ათონისა და ოჩამჩირის საკურორტო და ტურისტული კომპლექსების, დასასვენებელი სახლი "მზიურის" (500 ადგილზე), კლიმატურ-ბალნეოლოგიური სარეაბილიტაციო ცენტრის, მიუსერას სანატორიუმის (500 ადგილზე) და საქალაქო ინფრასტრუქტურის სხვა მნიშვნელოვანი ობიექტების მშენებლობაში; ასევე უშუალოდ მონაწილეობდა მაღლივი (16-18-სართულიანი) საცხოვრებელი და საზოგადოებრივი დანიშნულების შენობების უნიფიცირებული, რკინაბეტონის კარკასული ნაკეთობების (სერია იის-04) ათვისებისა და დანერგვის საქმეში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.264