ვანგერ ირემაძე

დაბადების ადგილი: სოფელი ნასპერი, ცაგერის რაიონი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი ხიდებისა და გვირაბების მშენებლობის სპეციალობით 1968 წელს.

1968-1974წწ. იყო საპროექტო ინსტიტუტ "კავგიპროტრანსის" ხელოვნური ნაგებობების განყოფილების ინჟინერი; 1974 წელს გადაყვანილ იქნა საბჭოთა კავშირის სატრანსპორტო მშენებლობის სამინისტროს ამიერკავკასიის სატრანსპორტო მშენებლობის ტრესტში ("ზაკტრანსტროი") საპროექტო და სახარჯთაღრიცხვო ბიუროს უფროსად; 1975-1983წწ. იყო ამავე ტრესტის N243 რკინიგზის სამშენებლო სამმართველოს ტექნიკური განყოფილების უფროსი, ხოლო შემდეგ სამმართველოს უფროსის მოადგილე; 1978-1981წწ. სამსახურებრივი მივლინებით გაგზავნილ იქნა სირიის არაბულ რესპუბლიკაში მშენებარე რკინიგზის ნიწის ვაკისა და ხელოვნური ნაგებობების ტექნიკურ ზედამხედველად; 1983-1994წწ. მუშაობს საქართველოს საავტომობილო გზების სამინისტროს N2 საგზაო-სამშენებლო სამმართველოში, სამუშაოთა მწარმოებლად, უფროს სამუშაოთა მწარმოებლად; მონაწილეობდა "ჟინვალი-ბარისახო-შატილის", "ფასანაური-მლეთა-კობის", "ქანდა-აღაიანის" გზის მონაკვეთის მომდინარე და კაპირალურ შეკეთებაზე; 1986-1994წწ. "ნატახტარი-ზაჰესის" საავტომობილო გზის მონაკვეთის უბნის უფროსი იყო; 1995-1998წწ. მუშაობდა რკინიგზის საექსპლუატაციო უბნის ოსტატად, შემდეგ უბნის უფროსად; 2001-2004წწ. შპს "საქართველოს სამხედრო გზის" სამუშაოთა მწარმოებლად; 2004-2005წწ. შპს "აიდისის" ხიდების ექსპლუატაციის განყოფილების ინჟინერი იყო; 2005 წლიდან მუშაობდა "რუსთავი-წითელი ხიდის", "მაღარო-ზემო ბოდბეს" (სიღნაღის რაიონი), "ხონი-გორდის" (ხონის რაიონი), "ზაჰესი-მცხეთა-კავთისხევი-გორის" საავტომობილო გზების სარეაბილიტაციო სამუშაოების ხელმძღვანელად; 2010-2011წწ. შპს "ავტობანის" საწარმოო-ტექნიკური განყოფილების ინჟინერი იყო; 2012 წლიდან საპროექტო ექსპერტიზის უფროსი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.266