იური ისაკაძე

დაბადების ადგილი: სოფელი ჩხარი, თერჯოლის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1973 წელს. 

1960 წელს დაიწყო შრომითი საქმიანობა; 1960-1968წწ. მუშაობდა სამთო-მომპოვებელ ტრესტ "ჭიათურმანგანუმის" ზეინკლად, ოსტატად, ცვლის ინჟინრად, ცვლის უფროსად; 1963-1968წწ. საქართველოს მშენებლობის სამინისტროს ტრესტ "საქშახტმშენის" ცვლის ინჟინრად, ცვლის უფროსად; 1968-1982წწ. რესპუბლიკურ გაერთიანება "საქნახშირში" ინჟინრად, სამმართველოს უფროსად; 1982-1985წწ. იყო საქართველოს მშენებლობის სამინისტროს N7 სამშენებლო ტრესტ "საქშახტმშენის" სამმართველოს მთავარი ინჟინერი; 1985-1990წწ. საქართველოს სასოფლო მშენებლობის სამინისტროს თერჯოლის მოძრავ-მექანიზებული კოლონის უფროსი, ზესტაფონის სპეციალიზებული ტრესტის მმართველი; 1990-1996წწ. სამშენებლო ტრესტ "საქშახტმშენის" ტყიბულის სამმართველოს უფროსი; 1996 წლიდან სს "საქშახტმშენის" ფილიალის დირექტორი იყო; 2001 წლიდან სს "მონოლითმშენის" სამუშაოთა მწარმოებალია; მისი მონაწილეობით აშენდა ტყიბულის, ზესტაფონის, თერჯოლის, ბაღდათის, საჩხერისა და ამბროლაურის რაიონებში არაერთი საწარმო, სკოლა და საბავშვო ბაღი, კულტურულ-საგანმანათლებლო დაწესებულებები და სხვა; განსაკუთრებული წვლილი მიუძღვის ზესტაფონის ფეროშენადნობთა ქარხნის რეკონსტრუქციის სამუშაოების შესრულებაში; არის მრავალი რაციონალიზატორული წინადადების ავტორი შახტმშენებლობის დარგში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.267; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.74

• 2001 - ღირსების ორდენი