იუზა იტრიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1958 წელს.

1958-1966წწ. მუშაობდა სამშენებლო ტრესტ "საქჰიდროენერგომშენში" სამუშაოთა მწარმოებლად, საპროექტო ინსტიტუტ "ჰიდროპროექტში" უბნის ინჟინრად; 1966-1974წწ. იყო საპროექტო ინსტიტუტ "საქწყალპროექტის" უფროსი ინჟინერი; 1974-1986წწ. მუშაობდა საქართველოს სოფლის მეურნეობის სამინისტროს სამშენებლო სამმართველოს უფროსად; 1986-1992წწ. - კულტურის სამინისტროს სამშენებლო სამმართველოს უფროსად; 1993 წლიდან საქართველოს თავდაცვის სამინისტროს კაპიტალური მშენებლობის განყოფილების უფროსია; მონაწილეობდა სიონის ჰიდროკვანძის, თბილისის სამხედრო ჰოსპიტლის, რკინაბეტონის ქარხნის (გორის რაიონში) მშენებლობაში; ავტორთა ჯგუფთან ერთად მონაწილეობდა ზემო ალაზნის სარწყავი სისტემისა და განათლების სამინისტროს რიგი ობიექტების დაპროექტებაში; დაჯილდოებულია სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.267

• საქართველოს ენერგეტიკოსთა საზოგადოება, წევრი
• საქართველოს მშენებელთა კავშირი, წევრი