დავით კაკულია

დაბადების ადგილი: სოფელი ახუთი, ჩხოროწყუს რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1982 წელს.

1982 წელს მუშაობა დაიწყო საპროექტო ინსტიტუტ "საქსახკომუნმშენპროექტის" მშენებლობის ორგანიზაციისა და ხარჯთაღრისხვების განყოფილებაში - ინჟინრად, სამშენებლო-სამონტაჟო სამმართველო "სპეცმონტაჟავტომატიკის" საწარმოო-ტექნიკური განყოფილების ინჟინრად, სამუშაოთა მწარმოებლად; იყო იმავე სამმართველოს თბილისის უბნისა და სამონტაჟო სამმართველოს უფროსი, თბილისის სამშენებლო კომპანიის გენერალური დირექტორი; 2010-2012წწ. ხელმძღვანელობდა დეველოპერული კომპანია "დექსუსის" სამშენებლო დეპარტამენტს; იყო შპს "კოლხეთის" გენერალური დირექტორი; მონაწილეობდა მიტროფანე ლაღიძის სახელობის უალკოჰოლო სასმელებისა და გარდაბნის საკონსერვო ქარხნების, მაცივრების (ლილოში და გორის რაიონში) სამშენებლო-სამონტაჟო და ტექნოლოგიურ გადაიარაღება-რეკონსტრუქციის სამუშაოებში; გარდაბნის თბოელექტროსადგურის ენერგობლოკების მშენებლობასა და ტექნოლოგიურ უზრუნველყოფაში; კრწანისის სამთავრობო რეზიდენციის და ყოფილი "იმელის" შენობის, საცხოვრებელი კომპლექსების (რუსეთში - ნიჟნეკამსკსა და მანჩეგორსკში, თბილისში - სააკაძის მოედანზე), ადმინისტრაციულ-საოფისე შენობის (თბილისში, თამარაშვილის ქუჩაზე) მშენებლობა-რეკონსტრუქციასა და სტრუქტურული ელემენტების გაძლიერებაში; ხელმძღვანელობდა საფეხბურთო კლუბ "დინამოს" საწვრთნელი ბაზის მოედნების რეკონსტრუქციას და ექსპლუატაციაში მიღებას; მისი შრომითი საქმიანობის ერთ-ერთი მნიშვნელოვანი ეტაპი იყო "ბრიტიშ პეტროლიუმის" მიერ " ბაქო-თბილისი-ჯეიხანის" ნავთობსადენის მაგისტრალის მშენებლობაში მონაწილეობა, სადაც მუშაობდა მთავარ ინჟინრად და წლის საუკეთესო მშენებლად აღიარეს; არის თბილისის სამშენებლო-დეველოპერული კომპანია NGL-ის დამფუძნებელი და გენერალური დირექტორი; აქტიურად იყო ჩართული ეკონომიკისა და მდგრადი განვითარების სამინისტროსა და გაერთიანებული კვლევითი ცენტრის მიერ ევროკოდების განხილვა-დანერგვაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.270-271

• საქართველოს ეროვნულ და სოციალურ ურთიერთობათა აკადემია, აკადემიკოსი
• საქართველოს მშენებელთა კავშირი, წევრი

• საპატიო ნიშნის მედალი