დავით და კონსტანტინე მხეიძეები

დიდმოწამენი - დავით და კონსტანტინე, არგვეთის მთავრები.

ძველი ქართული წყაროებით არგვეთის (ზემო იმერეთი) მთავრები VIII საუკუნის I ნახევარში, მხეიძეთა ფეოდალური გვარიდან. გმირულად იბრძოდნენ საქართველოში შემოჭრილ არაბი სარდლის მურვან ყრუს წინააღმდეგ. არგვეთის ბრძოლაში არაბებმა შეიპყრეს ისინი და მოწამებრივი სიკვდილით დასაჯეს. ქართველებმა მათი გვამები დაკრძალეს მდინარე წყალწითელას ნაპირზე, სადაც ახლა მოწამეთას მონასტერია. ქართულმა ეკლესიამ დავით და კონსტანტინე წმინდანთა შორის ჩარიცხა. მათი ხსენების დღე 15 ოქტომბრია

წყარო: საქართველო: ენციკლოპედია: ტ.2. - თბ., 2012. - გვ.287; საპატრიარქოს ვებგვერდი: www.orthodoxy.ge; საქართველოს სამეფო: www.georoyal.ge