მანანა მოისწრაფიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი 1989 წელს. 1991-1994წწ. სწავლობდა საქართველოს ტექნიკური უნივერსიტეტის ასპირანტურაში.

1989-1991წწ. მუშაობდა სტუ-ის რკინიგზების მშენებლობა, ლიანდაგი და სალიანდაგო მეურნეობის კათედრაზე სახელშეკრულებო თემის უმცროს მეცნიერ-თანამშრომლად, 1991-2004წწ. ასისტენტად,  1989-2005წწ. საქართველოს რკინიგზის ინსტიტუტის მასწავლებელად, 2004-2006წწ. საქართველოს შეიარაღებული ძალების გენერალური შტაბის სამხედრო-საინჟინრო აკადემიის უფროს მეცნიერ-თანამშრომელად, 2004-2006წწ. საქართველოს ტექნიკური უნივერსიტეტის დოცენტად, 2005 წლიდან შპს "საქართველოს რკინიგზის" ტექნიკური განყოფილების მთავარი სპეციალისტად და საპროექტო-სახარჯთაღრიცხვო განყოფილების წამყვან სპეციალისტად. 2006 წლიდან -საქართველოს ტექნიკური უნივერსიტეტის ნაგებობებისა, სპეციალური სისტემების და საინჟინრო უზრუნველყოფის ინსტიტუტის უფროსი მეცნიერ თანამშრომელი, სამეცნიერო საბჭოს წევრი და საქართველოს ტექნიკური უნივერსიტეტის წარმომადგენლობითი საბჭოს წევრი; 2008-2019წწ. საქართველოს ტექნიკური უნივერსიტეტის სატრანსპორტო და მანქანათმშენებლობის ფაკულტეტის ხარისხის უზრუნველყოფის სამსახურის უფროსი და სადისერტაციო საბჭოს სწავლული მდივანი; 2009 წლიდან  სამშენებლო ფაკულტეტი, საგზაო დეპარტამენტი, პროფესორი; 2013 წლიდან სსიპ განათლების ხარისხის განვითარების ეროვნული ცენტრი, ავტორიზაცია, აკრედიტაცია, აკადემიური საგანმანათლებლო პროგრამების აკრედიტაციის ექსპერტი, პროფესიული საგანმანათლებლო პროგრამების ავტორიზაციისა და აკრედიტაციის ექსპერტი, დარგობრივი საბჭოს წევრი; 2015-2019წწ. ა(ა)იპ სარკინიგზო ტრანსპორტის კოლეჯი, სამეთვალყურეო საბჭო  წევრი; 2019 წლიდან  ა(ა)იპ სარკინიგზო ტრანსპორტის კოლეჯი, ადმინისტრაცია, დირექტორი. ტექნიკის მეცნიერებათა კანდიდატი (2004), აკადემიური დოქტორი (2006), პროფესორი (2009).

 სადისერტაციო თემა - "საპროექტო პარამეტრების შერჩევის მეთოდების დამუშავება საქართველოს რკინიგზებზე ზეჩქაროსნული და ჩქაროსნული მოძრაობის რეალიზებისთვის". 

წყარო: საქართველოს ინჟინერი ქალები.- თბილისი.-2008.- გვ.109-110; საქართველოს ტექნიკური უნივერსიტეტი: my.gtu.ge

• 2011 - ღირსების ორდენი

• სალიანდაგო მანქანები, მექანიზმები და იარაღები (თანაავტორი). - თბილისი, ტექნ. უნ-ტი, 2013. - 149გვ.. - ISBN: 978-9941-20-362-6
• რკინიგზის ლიანდაგი (თანაავტორი) // ნაწ. 2 : სარელსო ლიანდაგის მოწყობა. - თბილისი, ტექნ. უნ-ტი, 2009. - 77გვ.. - ISBN: 978-9941-14-382-3
• რკინიგზის ლიანდაგი (თანაავტორი) // ნაწ. 4 : ლიანდაგის ზედა ნაშენის გაანგარიშებები. - თბილისი, ტექნ. უნ-ტი, 2009. - 156გვ.. - ISBN: 978-9941-14-384-7
• რკინიგზის ლიანდაგი (თანაავტორი) // ნაწ. 1 : ლიანდაგის ზედა ნაშენის კონსტრუქცია. - თბილისი, ტექნ. უნ-ტი, 2009. - 115გვ.. - ISBN: 978-9941-14-383-0
• ტრანსპორტის სტატისტიკა : ლექციების კონსპექტი (ავტორი). - თბილისი, ტექნ. უნ-ტი, 1998. - 68გვ.