მიხეილ კალინინი

დაბადების ადგილი: ქ. თბილისი. 

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1968 წელს.

1969-1976წწ. მუშაობდა საქართველოს მშენებლობის სამინისტროს N2 სამშენებლო ტრესტის სამშენებლო სამმართველოში სამუშაოთა მწარმოებლად, უბნის უფროსად, საწარმოო-ტექნიკური განყოფილების უფროსად; 1976-1992წწ. საქართველოს სასოფლო მშენებლობის სამინისტროს N6 სამშენებლო ტრესტში მუშაობდა მმართველის მოადგილედ, N13 სამშენებლო ტრესტის მოძრავ-მექანიზებული კოლონის უფროსად, გაერთიანება "სოფლკომუნმშენის" მთავარ ინჟინრად; მონაწილეობდა სამრეწველო გაერთიანება "მიონის" საწარმოო-ლაბორატორიული კორპუსების (თბილისში), კოდისა და თამარისის მეფრინველეობის ფაბრიკების, სკოლების, საავადმყოფოების, მეცხოველეობის ფერმების (მარნეულის, ბოლნისის, წალკის, თეთრიწყაროსა და დმანისის რაიონებში), საცხოვრებელი შენობების (სოფ. შატილში, გუდაურში) და მრავალი სხვა ობიექტის მშენებლობაში; აქტიური მონაწილეობა აქვს მიღებული დმანისის (1981) და სპიტაკის (1989-1990) რაიონებში მიწისძვრის შედეგების ლიკვიდაციაში; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.276-277

• საქართველოს მშენებელთა კავშირი, წევრი