ზაურ კაპანაძე

დაბადების ადგილი: ქ. ჭიათურა.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1963 წელს.

1963-1972წწ. მუშაობდა ყაზახეთში, ქ. ჩიმკენტის სამშენებლო სამმართველოში სამუშაოთა მწარმოებლად, სამმართველოს უფროსად; 1972-1973წწ. საქართველოს მშენებლობის სამინისტროს სამშენებლო ტრესტ "ჭიათურმანგანუმმშენის" სამშენებლო სამმართველოში მთავარ ინჟინრად; 1974-1976წწ. ბინათმშენებლობის სამმართველოს უფროსად; 1976-1978წწ. N8 სამშენებლო ტრესტ "ჭიათურმანგანუმმშენის" მთავარ ინჟინრად; 1978-1982წწ. იყო საქართველოს მშენებლობის სამინისტროს ბათუმის N5 სამშენებლო ტრესტის მმართველი; 1982-1989წწ. ტრესტ "ჭიათურმანგანუმმშენის" მმართველი; საქართველოს მშენებლობის სამინისტროს რუსთავის სამშენებლო ტრესტ "ამიერკავკასმეტალურგმშენის" მმართველი; 1989-1991წწ. იყო საქართველოს მშენებლობის მინისტრის მოადგილე; 1991-1997წწ. ჰოლდინგური კომპანია "მშენებლის" პრეზიდენტი; 2000-2004წწ. ხელმძღვანელობდა საქართველოს ურბანიზაციისა და მშენებლობის სამინისტროში მშენებლობის, სამშენებლო ინდუსტრიისა და საშენ მასალათა წარმოების დეპარტამენტს, მიწისძვრის შედეგად სალიკვიდაციო სამშენებლო კომპლექსს; იყო ქ. თბილისის "არქმშენინსპექციის" უფროსი; 2005-2006წწ. მონაწილეობდა ყულევის შავი ზღვის ტერმინალის მშენებლობაში, სადაც მუშაობდა გენერალური დირექტორის მოადგილედ; 2006 წლიდან შპს "თბილისი-3"-ის დირექტორია; მონაწილეობდა ყაზახეთისა და საქართველოს (ჩიმკენტში, ჭიათურაში, რუსთავში, თბილისში, აჭარაში, ზესტაფონში, საჩხერეში, თერჯოლაში) არაერთი სამრეწველო და სამოქალაქო დანიშნულების ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.280; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.204

• საქართველოს ეროვნულ და სოციალურ ურთიერთობათა აკადემია, ნამდვილი წევრი
• საქართველოს საინჟინრო აკადემია, წევრი

• 2000 - ღირსების ორდენი
• 1998 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• საქართველოს დამსახურებული ინჟინერი