ავთანდილ კვახაძე

დაბადების ადგილი: ქ. ტყიბული.

დაამთავრა საქართველოს პოლიტექნიკური ინსტიტუტი მიმოსვლის გზათა ინჟინრის კვალიფიკაციით 1970 წელს.

1970-1972წწ. მსახურობდა საბჭოთა არმიის რიგებში ოფიცრად; 1972-1973წწ. მუშაობდა საავტომობილო გზების სამინისტროში საპროექტო-კვლევითი კანტორის ინჟინრად; 1973-1976წწ. იყო იმავე სამინისტროს N5 საგზაო-სარემონტო სამშენებლო სამმართველოს სამუშაოთა მწარმოებელი, უფროსი სამუშაოთა მწარმოებელი; 1976-1987წწ. იმავე სამმართველოს მთავარი ინჟინერი იყო, ხოლო 1987-1988წწ. უფროსი სამუშაოთა მწარმოებელი; 1988-1989წწ. მუშაობდა ბორჯომის N29 საგზაო საექსპლუატაციო უბნის მთავარ ინჟინრად; 1989-1996წწ. N5 საგზაო სარემონტო-სამშენებლო სამმართველოს უფროსად; 1996 წლიდან არის შპს "გზამშენი-5"-ის დირექტორი; 1973 წელს მიღებული აქვს მონაწილეობა საავტომობილო გზების დაპროექტებასა და მშენებლობაში, როგორებიცაა: "ხაშური-ბორჯომი-ახალციხის" მონაკვეთებზე სარეაბილიტაციო სამუშაოები, "ბორჯომი-ბაკურიანის" საავტომობილო გზის სამუშაოები, "რიკოთი-ზესტაფონის" მონაკვეთი, "ადიგენი-ხულოს", "გომი-საჩხერის", ცხინვალის შემოსავლელი გზის მშენებლობა, თბილისის შემოსავლელი გზის მშენებლობა, "ჟინვალი-ბარისახოს" გზის მშენებლობა, საქართველოს სამხედრო გზის ყაზბეგის მონაკვეთი, "თბილისი-სენაკი-ლესელიძეს" საავტომობილო მაგისტრალის იგოეთის მონაკვეთის მშენებლობა; ბორჯომის რაიონში: ტბა-ცემის, დიდველის, ტიმოთეს უბნის, საკირის მონაკვეთების, აგრეთვე ქალაქ ბორჯომის ქუჩების სარეაბილიტაციო სამუშაოები, ქალაქ ხაშურის ქუჩების აღდგენითი-სარეაბილიტაციო სამუშაოები; 1981-1982წწ. მონაწილეობდა სახელმწიფოს დავალებით არაშავმიწა ნიადაგიანი რეგიონების ათვისების მიზნით რუსეთის ფედერაციული რესპუბლიკის ვოლოგდის ოლქის გზების მშენებლობაში; მონაწილეობდა, საქართველოში საჩხერის რაიონში, 1991 წლის მიწისძვრის შედეგად დაზიანებული გზების სამუშაოების შესრულებაში; მიღებული აქვს საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.293; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.252

• 2003 - ღირსების ორდენი
• 2001 - ღირსების მედალი