თენგიზ კვირკველია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1949 წელს; სსრკ მეცნიერებათა აკადემიის არქიტექტურის ისტორიისა და თეორიის ინსტიტუტის ასპირანტურა 1956 წელს.

1949-1951წწ. მუშაობდა ამავე ინსტიტუტში კათედრის ასისტენტად; 1951-1955წწ. მოსკოვის ქალაქგეგმარების ს/კ ინსტიტუტში არქიტექტორად, პროექტის მთავარ არექიტექტორად;1955 წლიდან პედაგოგიურ მოღვაწეობას ეწეოდა საქართველოს პოლიტექნიკური ინსტიტუტის (1991 წლიდან – საქართველოს ტექნიკური უნივერსიტეტი) სამშენებლო ფაკულტეტის არქიტექტურის კათედრაზე (1969 წლიდან არქიტექტურის ფაკულტეტი). 1983–1994წწ. იყო სამოქალაქო და სამრეწველო შენობების არქიტექტურის კათედრის გამგე. იყო რკინიგზის ტრანსპორტის ინჟინერთა ინსტიტუტის არქიტექტურის კათედრის დოცენტი; 1956-1994წწ. მუშაობდა საპროექტო ინსტიტუტებში "თბილქალაქპროექტი" და "მოსპროექტი", ასევე, საქართველოს პოლიტექნიკური ინსტიტუტის საპროექტო ბიუროს პროექტის მთავარ არქიტექტორად; მისი ძირითადი ნამუშევრებია: მოსკოვის კრემლის საავადმყოფოს ნერვულ დაავადებათა და ბავშვთა საავადმყოფოს ლაბორატორიული კორპუსები, საცხოვრებელი სახლები ქ. რუბცოვოში, სოხუმის რესპუბლიკური ბიბლიოთეკა, სამამულო ომში დაღუპულთა ძეგლი აბაშის რაიონში და მრავალი სხვა; პროფესორი; 40-ზე მეტი სამეცნიერო ნაშრომის (მათ შორისაა "ქართულ-რუსული არქიტექტურული განმარტებითი ლექსიკონი", მონოგრაფიები "თბილისი", "ნარიყალა" და სხვა) ავტორი. არქიტექტურის დოქტორი (1976), პროფესორი (1976).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.295;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 15

• საქართველოს არქიტექტორთა კავშირი, პასუხისმგებელი მდივანი
• საქართველოს არქიტექტორთა კავშირი, თავმჯდომარის მოადგილე

• საქართველოს დამსახურებული არქიტექტორი

• რუსულ-ქართული ხუროთმოძღვრული განმარტებითი ლექსიკონი (ავტორი). - თბილისი, 2007. - 264გვ.. - ISBN: 978-99928-0-901-3
• ძველი თბილისის ქუჩებსა და ქუჩაბანდებში : არქიტექტურული გზამკვლევი (ავტორი). - თბილისი, საბჭოთა საქართველო, 1989. - 51გვ.
• ძველთბილისური დასახელებანი (ავტორი). - თბილისი, საბჭ. საქართველო, 1985. - 102გვ.
• ძველი თბილისი (ავტორი). - თბილისი, საბჭოთა საქართველო, 1984. - 26გვ.
• მოკლე რუსულ-ქართული ხუროთმოძღვრული განმარტებითი ლექსიკონი (ავტორი). - თბილისი, საქ. პოლიტექნ. ინ-ტის გამ-ბა, 1961. - 150გვ.