ალექსანდრე კვიტატიანი

დაბადების ადგილი: სოფელი ლევახანე, მარტვილის რაიონი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი, არქიტექტურისა და ქალაქ გეგმარების სპეციალობით 1969 წელს.

1972-1984წწ. მუშაობდა "საქქალაქმშენსახპროექტის" სოხუმის ფილიალში არქიტექტორად, სახელოსნოს ხელმძღვანელად; 1981-1989წწ. ქ. სოხუმის მთავარი არქიტექტორი იყო; 1972-1978წწ. მისი ძირითადი ნამუშევრებია: სასტუმრო გაგრაში 444 ადგილზე, ოჩამჩირის გენერალური გეგმა; 1975-1982წწ. სოხუმის გენერალური გეგმა; 1978-1982წწ. "ავტო-ვაზის" დასასვენებელი კომპლექსი 300 ადგილზე გულრიფშის რაიონში, "ПВО-МО" საძილე კორპუსი 320 ადგილზე სოხუმში; 1986 წელს საქართველოს თეატრალური საზოგადოების დასასვენებელი სახლი სოხუმში; 1985-1988წწ. სასტუმრო "აფხაზეთის" და სასტუმრო "რიწის" რეკონსტრუქცია ქალაქ სოხუმში; 1988 წელს სოხუმის "შუქურას" რაიონის დეტალური დაგეგმარება და სხვა; მონაწილეობდა მრავალ კონკურსსა და გამოფენაში; 1993 წლიდან აფხაზეთის ომის შემდეგ ის ქ. თბილისშია და აქტიურად აგრძელებს არქიტექტურულ მოღვაწეობას; კერძოდ, მისი ნაშრომების ჩამონათვალს შეემატა საქართველოს საპატრიარქოს ახალი კომპლექსის საპროექტო წინადადება (2006-2007წწ.); ინდივიდუალური საცხოვრებელი სახლები თბილისში, წყვეთში, საგურამოში, წეროვანში, რაჭასა და სამეგრელოში; ასევე საოფისე და კომერციული შენობები და ინტერიერის დიზაინი სხვადასხვა ქალაქსა და რაიონში (მარნეულში, ბაკურიანსა და სტეფანწმინდაში); 1985-1990წწ. მონაწილეობდა კავშირის ყრილობებში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.296; საქართველო: ენციკლოპედია: ტ.5. -თბ.,2023. -გვ. 16

• საქართველოს არქიტექტორთა კავშირი, წევრი (1976-)