ოთარ კვიცარიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამშენებლო მასალების ტექნოლოგიის სპეციალობით 1949 წელს.

შრომითი საქმიანობა დაიწყო საპროექტო ინსტიტუტ "თბილქალაქპროექტში"; 1950-1974წწ. მუშაობდა საქართველოს მეცნიერებათა აკადემიის სეისმომედეგობისა და სამშენებლო მექანიკის ს/კ ინსტიტუტში; 1974-1989წწ. საშენ მასალათა ს/კ ინსტიტუტის დირექტორად; 1982 წლიდან შეთავსებით საქართველოს პოლიტექნიკური ინსტიტუტის სამშენებლო წარმოების ტექნოლოგიის კათედრის პედაგოგად; წლების განმავლობაში თავმჯდომარეობდა ამავე უმაღლესი სასწავლებლის სამშენებლო ფაკულტეტის სახელმწიფო საგამოცდო კომისიას; პროფესორი; მისი დირექტორობის პერიოდში დიდი წვლილი აქვს შეტანილი საშენ მასალათა ს/კ ინსტიტუტის მატერიალურ-ტექნიკური ბაზის განვითარებისა და სამეცნიერო პოტენციალის გაზრდა-გაძლიერების საქმეში; აღიარებულია ამ დარგის ერთ-ერთ თვალსაჩინო მეცნიერად და ორგანოზატორად. ტექნიკის მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.296;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 17

• საქართველოს დამსახურებული ინჟინერი