რუსუდან ქუთათელაძე

დაბადების ადგილი: ქ. თბილისი.

დაამთავრა საქართელოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი 1984 წელს და  საერო ინსტიტუტი "გაენათი" საგარეო ეკონომიური ურთიერთობების სპეციალობით 1996 წელს.

1984 წლიდან მუშაობს საქართველოს პოლიტექნიკურ ინსტიტუტში ავტომატიკისა და გამოთვლითი ტექნიკის ფაკულტეტზე, სადაც მან განვლო გზა უმცროსი მეცნიერ-მუშაკიდან, ბიზნეს ტექნოლოგიების ფაკულტეტის დეკანამდე. რ. ქუთათელაძეს გამოქვეყნებული აქვს მრავალი სამეცნიერო ნაშრომი, მონოგრაფია და სახელმძღვანელოები. მას არაერთ საერთაშორისო სამეცნიერო კონფერენციაში აქვს მონაწილეობა მიღებული. ტექნიკის მეცნიერებათა კანდიდატი (2006), პროფესორი. ტექნიკური უნივერსიტეტის  წინაშე გაწეული განსაკუთრებული ღვაწლისთვის გადაეცა უმაღლესი ჯილდო -  ოქროს მედალი (14. 02. 2025)

სადისერტაციო თემა - "ოპტიკური სიგნალებით წარმოდგენილი ინფორმაციის გარდაქმნა - დამუშავების მეთოდები და საშუალებები". 

წყარო: საქართველოს ინჟინერი ქალები.- თბილისი.-2008.- გვ. 164-165

• სოციალურ-ეკონომიკურ მეცნიერებათა საერთაშორისო აკადემია, წევრ-აკადემიკოსი (2008-)

• მარკეტინგის საფუძვლები : ლექციების კურსი მაგისტრანტებისა და დოქტორანტებისთვის (თანაავტორი). - თბილისი, სტუ, 2017. - 506გვ.. - ISBN: 9789941272608
• საქმიანი ურთიერთობების თანამედროვე ტექნოლოგიები : სახელმძღვ. (რედაქტორი). - თბილისი, სტუ, 2013. - 271გვ.
• ბიზნესის ეთიკა და საქმიანი ეტიკეტი : სახელმძღვ. (რედაქტორი). - თბილისი, სტუ, 2013. - 148გვ.. - ISBN: 978-9941-20-309-1
• აუდიტის საფუძვლები : სახელმძღვ. აუდიტის სპეც. სტუდ. (თანაავტორი). - თბილისი, სტუ, 2009. - 130გვ.. - ISBN: 978-9941-14-250-5
• ოპტიკური სიგნალებით წარმოდგენილი ინფორმაციის გარდაქმნა-დამუშავების მეთოდები და საშუალებები (ავტორი). - თბილისი, სტუ, 2006. - 146გვ.. - ISBN: 99940-56-37-9