გურამ კიკალეიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1957 წელს.

1957-1967წწ. მუშაობდა საქართველოს მშენებლობის სამინისტროს N3 სამშენებლო ტრესტ "თბილმრეწვმშენში" ოსტატად, უბნისა და სამმართველოს უფროსად; 1968-1973წწ. საქართველოს სამოქალაქო ავიაციის სამმართველოში უფროსის მოადგილედ მიწისზედა ნაგებობების ექსპლუატაციის დარგში; 1974 წლიდან ხელმძღვანელობდა საქართველოს სოფლის მეურნეობის სამინისტროს მშენებარე ობიექტების გაერთიანებული დირექციის ზონალურ და მელიორაციისა და წყალთა მეურნეობის დეპარტამენტის სამმართველოებს; მონაწილეობდა საქართველოს სახალხო მეურნეობის მიღწევათა გამოფენის (თბილისში), მრავალი სამრეწველო, სასოფლო-სამეურნეო და სოციალური დანიშნულების ობიექტების მშენებლობაში; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.300

• საქართველოს დამსახურებული ინჟინერი