ტიტე კიკაჩეიშვილი

დაბადების ადგილი: ქ. სამტრედია.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი საავტომობილო გზების მშენებლობის სპეციალობით 1952 წელს.

1952-1953წწ. მუშაობდა საქართველოს მინისტრთა საბჭოს საავტომობილო გზების მთავარი სამმართველოს ("სუშოსდორი") დუშეთის საგზაო უბნის ოსტატად; 1961-1966წწ. N12 და N13 სამშენებლო უბნების მთავარ ინჟინრად; 1961-1966წწ. N5 საგზაო სარემონტო-სამშენებლო სამმართველოს უფროსად; 1966-1986წწ. საგზაო სარემონტო-სამშენებლო ტრესტის მმართველად; მონაწილეობდა მრავალი საგზაო ობიექტის, მათ შორის, ავტოსაგზაო მაგისტრალების: თბილისის აეროპორტის, რიკოთის უღელტეხილის, "ზესტაფონი-ქუთაისის", "გომი-საჩხერის", "თბილისი-მარნეულის", "ჯვარი-მესტიის", "ხაშური-გორის" მონაკვეთების, ცალკეული სახიდე გადასასვლელების, ხელოვნური ნაგებობების მშენებლობაში; დაჯილდოებულია "1941-1945 წლებში სამამულო ომში გამარჯვების" საიუბილეო მედლით, საქართველოს უმაღლესი საბჭოს პრეზიდიუმის საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.301

• საპატიო ნიშნის ორდენი
• შრომის წითელი დროშის ორდენი
• საქართველოს დამსახურებული ინჟინერი