ალექსანდრე კიკნაძე

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი 1966 წელს.

მუშაობდა ქ. თბილისის საპროექტო ინსტიტუტ "თბილქალაქპროექტის" ქალაქგეგმარების სახელოსნოში არქიტექტორად; 1968 წელს გადავიდა საკავშირო საპროექტო ინსტიტუტ "სოიუზკურორტპროექტის" თბილისის ფილიალში უფროს არქიტექტორად; 1973 წელს დაამთავრა თბილისის სახელმწიფო სამხატვრო აკადემიის არქიტექტურის ფაკულტეტის ასპირანტურა და იქვე დაიწყო მუშაობა პედაგოგად; 1977 წელს არჩეულ იქნა დოცენტად; 1981-1991წწ. ხელმძღვანელობდა საპროექტო საკონსულტაციო ბიუროს; 2008 წლიდან იყო არქიტექტურის ფაკულტეტის ასოცირებული პროფესორი; მის მიერ დაპროექტებულია ორჯონიკიძის სახელობის ქარხნის დასახლება ქ. თბილისში, კულტურის სახლის დაბა კოლხიდაში (გაგრის რაიონი), არქიტექტორ მ. ლაითაძესთან ერთად დავით აღმაშენებლის გამზირის რეკონსტრუქცია-რეგენერაციის პროექტი, საცხოვრებელი სახლი შატბერაშვილის ქუჩაზე, 16-ნომრიანი სასტუმრო ქ. ბაქოში და სხვა; არის 7 სამეცნიერო ნაშრომის ავტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.301-302