ალექსი კიკნაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამსენებლო ფაკულტეტი არქიტექტურის სპაციალობით 1953 წელს.

1953-1963წწ. მუშაობდა საპროექტო ინსტიტუტ "საქქალაქშენსახპროექტში" არქიტექტორად, უფროს არქიტექტორად, ჯგუფის ხელმძღვანელად, პროექტის მთავარ არქიტექტორად; 1964-1995წწ. თბილისის ზონალური ს/კ, ტიპური და ექსპერიმენტული პროექტირების ინსტიტუტის ("თბილზნიიეპი") არქიტექტურული სახელოსნოს ხელმძღვანელად, საპროექტო განყოფილების მთავარ არქიტექტორად, ინსტიტუტის მთავარ არქიტექტორად, დირექტორის მოადგილედ; ავტორია შემდეგი პროექტებისა: საბავშვო ბაგა-ბაღების ტიპური პროექტები 50, 135, 140 და 180 ადგილზე (რეალიზებულია საქართველოს და ყოფილი საბჭოთა კავშირის სხვადასხვა რაიონებში); ზოგადსაგანმანათლებლო სკოლის ზონალური ტიპური პროექტი 22 კლასისათვის, მე-4 სამმართველოს აგარაკი ქ. ქობულეთში; 4-სართულიანი ბლოკსექციები სომხეთში მიწისძვრით დაზარალებული რაიონებისათვის; მიკრორაიონი "ანი" 4500 მაცხოვრებელზე ქ. კალინინოში; 56-ბინიანი შვიდსართულიანი საცხოვრებელი სახლები ქ. ქუთაისში; 4, 5, 6-ოთახიანი კოტეჯები ქ. სოჭის რეგიონისათვის; სასტუმრო 440 ადგილზე უცხოელი ტურისტისათვის ქ. თბილისში; კულტურის სახლი 800 ადგილზე ორენბურგში; შემოქმედებითი სახლი გელენჯიკში რუსეთის მხატვართა კავშირისათვის, სასტუმრო "ინტურისტი" 500 ადგილზე ქ. სოხუმში; ავტორია ნაშრომებისა: "სასტუმროების მოცულობით-გეგმარებითი გადაწყვეტის ოპტიმიზაცია" და "პროგნოზი და არქიტექტურული დაგეგმარება"; მიღებული აქვს საქართველოს რესპუბლიკის მინისტრთა საბჭოს პრემია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.302; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.118

• საქართველოს არქიტექტორთა კავშირი, წევრი (1960-)

• 2000 - ღირსების ორდენი