გურამ კიკნაძე

დაბადების ადგილი: ქ. თბილისი.

დაამთავრა თბილისის სარკინიგზო ტრანსპორტის ინჟინერთა ინსტიტუტის ხიდებისა და გვირაბების ფაკულტეტი ინჟინერ-კონსტრუქტორის კვალიფიკაციით 1947 წელს.

1947-1949წწ. მუშაობდა ქ. კიევში N2 "ხიდმშენრაზმის" სამუშაოთა მწარმოებლად, მთავარ ინჟინრად; 1949-1950წწ. მუშაობდა ქ. რიგაში ხიდმშენი მექანიზებული კოლონის უფროსად; 1950-1952წწ. მუშაობდა ქ. თბილისში საპროექტო ბიურო "გზაპროექტში უფროს ინჟინრად, პროექტის მთავარ ინჟინრად; 1952-1955წწ. საპროექტო ორგანიზაცია "თბილმეტრომშენპროექტში" უფროს ინჟინრად, განყოფილების უფროსად, საპროექტო ინსტიტუტის მთავარი ინჟინრის მოადგილედ; 1955 წლიდან გადავიდა საპროექტო ინსტიტუტ "კავგიპრომშენში" უფროს ინჟინრად, შემდეგ ხიდებისა და გვირაბების განყოფილების უფროსი იყო; 1959-1961წწ. მივლინებული იყო ავღანეთში საპროექტო-სამშენებლო კომპანიის უფროსის მოადგილედ; შრომითი საქმიანობის პერიოდში აქტიურ მონაწილეობას იღებდა ისეთ სამუშაოებში, როგორებიცაა თბილისის მეტროპოლიტენის, რიკოთის საავტომობილო გვირაბის, პუშკინის სახელობის უღელტეხილზე (სომხეთი) გამავალი საავტომობილო გვირაბის და სხვა მნიშვნელოვანი ობიექტების დაპროექტებასა და მშენებლობაში; 1958 წელს დაჯილდოებული იყო აფხაზეთის ასსრ უმაღლესი საბჭოს პრეზიდიუმის საპატიო სიგელით; 1971 წელს საქართველოს სსრ უმაღლესი საბჭოს პრეზიდიუმის საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.303

• 1980 - საქართველოს დამსახურებული ინჟინერი