ვახტანგ კიკნაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1960 წელს.

1960-1961წწ. მუშაობდა როსტოვის სამშენებლო-სამონტაჟო ტრესტ "იუჟსტალკონსტრუქციის" რუსთავის სამმართველოში მემონტაჟე ოსტატად; 1962-1966წწ. საქართველოს მშენებლობის სამინისტროს სამშენებლო გაერთიანება "მთავართბილმშენში" - სამუშაოთა მწარმოებლად; 1966-1968წწ. სამშენებლო სამმართველო "ტაშკენტმშენში" - სამშენებლო უბნის უფროსად; 1969-1977წწ. საქართველოს საბინაო-კომუნალური მეურნეობის სამინისტროში - კაპიტალური მშენებლობის სამმართველოს მთავარ ინჟინრად და უფროსად; 1977-1992წწ. იყო საქართველოს სოფლის მეურნეობის სამინისტროს მშენებარე საწარმოების გაერთიანებული დირექციის მთავარი ინჟინერი და უფროსი; 1992-1996წწ. საქართველოს სოფლის მეურნეობის სამინისტროს კაპიტალური მშენებლობისა და მელიორაციის სამმართველოს მთავარი ინჟინერი და უფროსი; 1996-2005წწ. ხელმძღვანელობდა სამელიორაციო სისტემების მართვის დეპარტამენტის მშენებლობისა და ნაპირსამაგრი სამუშაოების სამმართველოს; 2005 წლიდან მუშაობდა საპროექტო-ტექნოლოგიური ბიუროს დირექტორის მოადგილედ; მონაწილეობდა რუსთავის აზოტოვანი სასუქების ქარხნის, შუა აზიის ფერადი მეტალურგიის ქარხნის კორპუსის, სადეზინფექციო სადგურის ნაგებობათა კომპლექსის (ტაშკენტში), "თბილისი-რუსთავის" საკანალიზაციო კოლექტორისა და გამწმენდი ნაგებობების, "გაგრა-ბიჭვინთის" გამწმენდი ნაგებობებისა და კოლექტორის, საქართველოს ქალაქებში წყალმომარაგების სისტემების დაპროექტებასა და მშენებლობაში; "ტბისი-კუმისის", ზემო და ქვემო სამგორის, ზემო და ქვემო ალაზნის, ტაშისკარის, "თეზი-ოკამისა" და სხვა სარწყავი სისტემების, მაგისტრალური არხების და მათზე განლაგებული ჰიდროტექნიკური ნაგებობების მშენებლობა-რეაბილიტაციასა და აღდგენაში; მიღებული აქვს სახელმწიფო ჯილდოები და საუწყებო საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.303-304