ლევან კიკნაძე

დაბადების ადგილი: სოფელი კვალითი, ზესტაფონის რაიონი.

დაამთავრა საქართველოს ინდუსტრიული ინსტიტუტი ჰიდროტექნიკურ ნაგებობათა მშენებლობის სპეციალობით 1932 წელს.

1923 წელს დაიწყო შრომითი საქმიანობა სამთო მომპოვებელ ტრესტ "ჭიათურმანგანუმში"; 1932-1946წწ. უმაღლესი განათლების მიღების შემდგომ მუშაობდა სამშენებლო ტრესტ "კოლხეთმშენში" სამშენებლო უბნის უფროსის მოადგილედ, საპროექტო ჯგუფის ინჟინრად, სამშენებლო უბნისა და კოლხეთის სასისტემო სამმართველოს უფროსად; 1946-1949წწ. იყო საქართველოს წყალთა მეურნეობის სამინისტროს კაპმშენებლობის სამმართველოს უფროსი; 1949-1962წწ. სამშენებლო ტრესტ "კოლხეთმშენის" მმართველი; 1962-1965წწ. იყო საქართველოს სახალხო მეურნეობის საბჭოს კაპმშენებლობის სამმართველოში მთავარი ინჟინერი; 1965-1982წწ. საქართველოს კვების მრეწველობის სამინისტროს მშენებარე ობიექტების დირექციის დირექტორი; ხელმძღვანელობდა მრავალი მელიორაციული სისტემისა და ჰიდროტექნიკური ნაგებობის მშენებლობას, წლების განმავლობაში ემსახურებოდა კოლხეთის დაჭაობებული მიწების დაშრობა-ათვისებას; მისი ხელმძღვანელობით სამშენებლო ტრესტ "კოლხეთმშენის" სახელოვანმა და მაღალკვალიფიციურმა საინჟინრო-ტექნიკურმა პერსონალმა არაერთი გამარჯვება და აღიარება მოიპოვა საბჭოთა კავშირის მასშტაბით; იყო საქართველოს სსრ უმაღლესი საბჭოს რამდენიმე მოწვევის დეპუტატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.305; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.160

• 1999 - ვახტანგ გორგასლის III ხარისხის ორდენი
  სამშობლოს დაცვისა და ერთიანობისათვის ბრძოლაში გამოჩენილი მამაცობის, თავდადებისა და ოპერატიული ღონისძიებების მაღალ პროფესიულ დონეზე ჩატარებისათვის
• შრომის წითელი დროშის ორდენი
• საქართველოს დამსახურებული ინჟინერი